ट्वीटर आणि फेसबुक या कंपन्यांतून कामगारांना नोकऱ्यावरून काढण्याचा कार्यक्रम सध्या इलॉन मस्क आणि मार्क झुकरबर्ग यांनी सुरू केला आहे. याचा फटका अनेक भारतीय नागरिकांना झाला असून त्यांना नोकरीला मुकावे लागले आहे. ट्वीटरनंतर फेसबुकने आपल्या ११ हजार कर्मचाऱ्यांना कामावरून काढून टाकलं आहे. त्यामध्ये दोन दिवसांपूर्वी जॉईन झालेल्या एका भारतीयालाही आपली नोकरी गमवावी लागली आहे.
हेही वाचा : कर्ज परतफेडीच्या नियोजनाचे पाच मार्ग...
दरम्यान, दोन दिवसांपूर्वी कंपनीत जॉईन झालेल्या व्यक्तीचे नाव हिमांशू व्ही असं असून त्याला दोनच दिवसांत आपली नोकरी गमवावी लागली आहे. दोन दिवसांपूर्वी तो कंपनीत जॉईन होण्यासाठी कॅनडात गेला होता. पण तिथे गेल्यावर त्याला कळालं की आपल्याला कामावरून काढून टाकण्यात आलं आहे.
यानंतर त्याने आपल्या लिंक्डइन अकाऊंटवरून यासंदर्भात माहिती दिली आहे. ज्यांनी यामध्ये आपली नोकरी गमावली आहे त्यांच्यासाठी हा खडतर प्रवास आहे असंही हिमांशू याने आपल्या पोस्टमध्ये लिहिलं आहे. तर त्याने कॅनडामध्ये असलेल्या इतर सॉफ्टवेअर कंपन्यांबाबत माहिती देण्याची मदत लोकांकडून मागितली आहे. त्याचबरोबर यामध्ये ज्या कर्मचाऱ्यांनी आपली नोकरी गमावली आहे त्यांना हार न मानण्याचा आणि हिंमत न हारण्याचा सल्ला त्याने दिलाय.
मार्क झुकरबर्ग यांनी आपल्या कंपनीचा खर्च कमी करण्यासाठी कर्मचाऱ्यांना कमी करण्याचा निर्णय घेतल्याची माहिती आहे. त्यांच्या या निर्णयामुळे अनेक कर्मचाऱ्यांच्या नोकऱ्यावर गदा आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
