नवी दिल्ली - बाल रुग्णालयातील महिला डॉक्टरने जिल्हा रुग्णालयातील आरोग्य कर्मचाऱ्याला मारहाण केल्याचा व्हिडिओ सोशल मीडियावर व्हायरल झाल्यानंतर गुन्हा दाखल करण्यात आला आहे. (Crime News in Marathi)
सेक्टर-३० येथे असलेल्या बाल रुग्णालयात कार्यरत असलेल्या डॉक्टर नेहा त्यागी यांनी २० जानवेरी रोजी एका रुग्णाचे सीटी स्कॅन करण्यासाठी जिल्हा रुग्णालयात केली होत्या. सीटी स्कॅन करत असताना सीटीस्कॅन तज्ज्ञ विमल यांच्याशी त्यांचा वाद झाला. त्यानंतर डॉ. त्यागी यांनी तंत्रज्ञानाला धक्काबुकी केली. तसेच मारहाणही केली.
पीडितने पोलिसांत तक्रार दाखल केली, त्याआधारे पोलिसांनी आरोपी महिला डॉक्टरविरोधात मारहाण, शिवीगाळ आणि जीवे मारण्याची धमकी यासह भारतीय दंड संहितेच्या विविध कलमान्वये गुन्हा दाखल केला. पोलीस महिला डॉक्टरचा शोध घेत आहेत.
डॉ. त्यागी म्हणाल्या की, आपत्कालीन विभागाने एका रुग्णासाठी सीटी स्कॅन मशीन तयार ठेवण्यास सांगितले होते, परंतु तंत्रज्ञांनी मशीन तयार ठेवली नाही आणि त्यांना याबद्दल विचारले असता कर्मचाऱ्यांनी त्यांच्याशी गैरवर्तन केले. या घटनेचा व्हिडिओ गुरुवारी सोशल मीडियावर मोठ्या प्रमाणात व्हायरल झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
