Ashneer Grover: आर्थिक गुन्हे शाखेने (EOW) भारतपेचे माजी व्यवस्थापकीय संचालक अश्नीर ग्रोव्हर आणि त्यांची पत्नी माधुरी जैन यांच्यासह दीपक गुप्ता, सुरेश जैन आणि श्वेतांक जैन यांच्यासह कुटुंबातील सदस्यांविरुद्ध गुन्हा दाखल केला.
गंभीर गुन्ह्यांच्या आठ कलमांतर्गत सर्वांविरुद्ध एफआयआर दाखल करण्यात आली आहे. अश्नीर ग्रोव्हर आणि त्यांची पत्नी यांच्यावर फौजदारी खटले 409, 420, 467 अंतर्गत गुन्हा दाखल करण्यात आला आहे.
मिंटच्या वृत्तानुसार, अश्नीर ग्रोवरसह त्यांची पत्नी आणि कुटुंबातील इतर सदस्यांविरोधात तक्रार आली होती. त्यानंतर त्यांच्याविरोधात चौकशी करण्यात आली. तक्रार आणि तपासानुसार, आयपीसी कलम 406, 408, 409, 420, 467, 468, 471, 120 बी अन्वये गुन्हा दाखल करण्यात आला आहे.
गेल्या वर्षभरापासून वाद:
गेल्या सहा महिन्यांत ग्रोव्हरवर पाच गुन्हे दाखल करण्यात आले आहेत. जानेवारी 2022 मध्ये आर्थिक फसवणुकीचा आरोप झाला होता. तेव्हापासून भारतपे आणि अश्नीर ग्रोव्हर यांच्यातील वाद वाढला आहे. अश्नीर ग्रोव्हरला गेल्या वर्षी मार्चमध्ये भारतपेमधून काढून टाकण्यात आले होते.
81.28 कोटींची फसवणूक प्रकरण:
गेल्या वर्षी डिसेंबरमध्ये, दिल्लीस्थित फिनटेक युनिकॉर्नने अशनीर ग्रोव्हर आणि त्यांच्या कुटुंबाविरुद्ध दिल्ली पोलिसांच्या EOW मध्ये 81.28 कोटी रुपयांची फसवणूक केल्याची तक्रार दाखल केली होती.
यामध्ये अश्नीर ग्रोव्हर आणि त्यांच्या कुटुंबावर गुन्हेगारी, कट रचणे, फसवणूक करणे आणि पुरावे नष्ट करणे असे आरोप ठेवण्यात आले होते.
याव्यतिरिक्त, भारतपेने दिल्ली उच्च न्यायालयात दिवाणी खटला देखील दाखल केला होता, ज्यामध्ये अश्नीर ग्रोव्हर आणि त्याच्या कुटुंबाकडून 88.67 कोटी रुपयांहून अधिक वसूल करण्याची मागणी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
