अलवर जिल्ह्यातील सरिस्का व्याघ्र अभयारण्यामध्ये भीषण आग लागलीय.
राजस्थानच्या (Rajasthan) अलवर जिल्ह्यातील सरिस्का व्याघ्र अभयारण्यात (Sariska Tiger Sanctuary) गेल्या 36 तासांपासून लागलेल्या आगीमुळं परिसरात खळबळ उडालीय. आग सतत भीषण रूप धारण करत आहे. जंगल आणि आजूबाजूचा 10 किमीचा परिसर आगीच्या भक्ष्यस्थानी आल्याचं सांगण्यात येतंय. तर, दुसरीकडं आगीवर नियंत्रण न मिळामुळं वनविभागाच्या (Forest Department) अधिकाऱ्यांचे धाबे दणाणले आहेत. दरम्यान, आग विझवण्यासाठी अधिकारी सातत्यानं प्रयत्न करत आहेत.
सोमवारी आग विझवण्यासाठी हेलिकॉप्टर (Helicopter) आणि एरियल लिफ्ट फायर ब्रिगेडचीही मदत घेण्यात आली होती. त्यानंतर आज (मंगळवार) सकाळी हेलिकॉप्टरद्वारे परिसराची पाहणी करण्यात आलीय. मीडिया रिपोर्ट्सनुसार, आगीनं रौद्र रुप धारण केलं असून जंगलातील प्राणी जीव वाचवण्यासाठी शहरांकडं धावताना दिसत आहेत. आता हेलिकॉप्टरच्या मदतीनं एअरलिफ्टिंगद्वारे आग विझवण्याचे प्रयत्न सुरू असल्याचं अधिकाऱ्यांचं म्हणणं आहे. सरिस्का आणि अलवरच्या तीन रेंजमधील कर्मचारी आणि ग्रामस्थांसह 200 हून अधिक लोक आग विझवण्यात गुंतले आहेत.
या घटनेची माहिती देताना नायब तहसीलदार खेमचंद सैनी यांनी सांगितलं की, आज (मंगळवार) सकाळपर्यंत आग 10 किलोमीटरहून अधिक परिसरात पसरलीय. तर, दुसरीकडं बालेटा पृथ्वीपुरा नाका येथील डोंगराला रविवारी आग लागली, त्यानंतर रविवारी रात्री आठ वाजल्यापासून वनकर्मचारी व ग्रामस्थांच्या मदतीनं आग आटोक्यात आणण्याचं काम सुरू होतं. मात्र, अद्यापपर्यंत आग आटोक्यात आलेली नाहीय. सरिस्का डीएफओ सुदर्शन शर्मा म्हणाले, डोंगराळ भागामुळं विभागातील लोकांना वर चढताना खूप अडचणी येत आहेत. या आगीमुळं सुमारे 150 हेक्टर जंगल नष्ट झाल्याचं त्यांनी स्पष्ट केलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
