भोपाळ - मध्य प्रदेशची राजधानी भोपाळमध्ये पाणीपुरी विकणाऱ्या एका 30 वर्षीय व्यक्तीने आपल्या मुलीच्या पहिल्या वाढदिवसानिमित्त शहरातील नागरिकांना एक लाख एक हजार पाणीपुरी मोफत खाऊ घालून आनंद व्यक्त केला. (free Panipuri news in Marathi)
भोपाळच्या कोलार भागात गुप्ता पाणीपुरी भांडार या नावाने पाणीपुरी विकणाऱ्या आंचल गुप्ता यांनी वर्षभरापूर्वी आपली मुलगी 'अनोखी'च्या जन्मानिमित्त लोकांना ५० हजार पाणीपुरी मोफत खाऊ घातल्या होत्या.
बुधवारी, आपल्या मुलीच्या पहिल्या वाढदिवसानिमित्त, गुप्ता यांनी "बेटी है तो कल है" चा संदेश देऊन आनंद व्यक्त केला. तसेच दिवसभर लोकांना एक लाख पाणीपुरी मोफत खाऊ घातल्या. यासाठी त्यांनी कोलार परिसरातील बंजारी मैदानात ५० मीटर लांबीच्या तंबूत २१ स्टॉल्स लावले आणि २५ मुलांना रोजंदारीवर ठेवून लोकांना पाणीपुरी खावू घातली.
कार्यक्रमस्थळी 'बेटी वरदान है', 'बेटी बचाओ', 'बेटी पढाओ'चे बॅनर लावण्यात आले होते. तीन वर्षांचा मुलगा आणि एक वर्षाच्या मुलीचे वडील गुप्ता यांनी सांगितले की, ते पाणीपुरीची गाडी चालवून महिन्याला 15 ते 20 हजार रुपये कमावतात.
गुप्ता यांनी म्हटलं की, मुलीचा जन्म माझ्यासाठी स्वप्न पूर्ण झाल्यासारखे आहे. मला मुलगी हवी होती. दोन वर्षांपूर्वी माझ्या पत्नीने एका मुलाला जन्म दिला होता. गेल्या वर्षी १७ ऑगस्टला देवाने मला आशीर्वाद म्हणून मुलगी दिल्याचंही गुप्ता यांनी म्हटलं.
मुख्यमंत्री शिवराज सिंह चौहान यांनी ट्विट करून गुप्ता यांची मुलगी 'अनोखी' हिला शुभेच्छा दिल्या आहेत. ते म्हणाले, "सदैव आनंदी राहा." गुप्ता यांनी सांगितले की अनेक लोकांनी त्यांच्या मुलीला भेटवस्तू देखील दिल्या. या कार्यक्रमाला क्षेत्राचे आमदार रामेश्वर शर्मा यांनीही हजेरी लावली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
