पाकिस्तानी बोटीतून हेरॉईनचा साठा भारतात आणला जात होता.
अहमदाबाद : गेल्या काही दिवसांपासून गुजरातमध्ये एटीएसकडून (Gujrat ATS) केल्या जाणाऱ्या अंमली पदार्थ विरोधी कारवाईला वेग आलाय. आज पुन्हा एकदा गुजरातमध्ये मोठी कारवाई करत एटीएस आणि बीएसएफनं (Border Security Force) धडक मोहीम राबविली. पाकिस्तानमधील बोटमधून आणण्यात आलेल्या कोट्यवधी रुपयांच्या अंमली साठ्यावर त्यांनी कारवाई केलीय.
मुंद्रा बंदरातून 500 किलोचं कोट्यवधी रुपयांचं कोकेन जप्त केल्याची घटना ताजी असतानाच, आता जखाऊन बंदराजवळ मोठी कारवाई (Jakhau Marine Police) करण्यात आलीय. या कारवाईवेळी तब्बल 250 कोटी रुपये किमतीचं 50 किलो हेरॉईन जप्त (Gujrat heroin Seized) करण्यात आलंय.
पाकिस्तानी बोटीतून (Pakistani Boat) हा हेरॉईनचा साठा भारतात आणला जात होता. याबाबत माहिती मिळाल्यानंतर, एटीएसनं बीएसएफच्या मदतीनं संयुक्त कारवाई केलीय. गुजरात एटीएसच्या अधिकाऱ्यांनी या कारवाईबाबत माहिती दिली. दरम्यान, एटीएस आणि बीएसएफच्या पथकानं अरबी समुद्रात संशयास्पद बोटींचा पाठलाग केला. त्यानंर ही बोट ताब्यात घेण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
