मदुराई जिल्ह्यातील थिरुमंगलमजवळ भीषण अपघाताची घटना घडली आहे. कार आणि कंटेनर यांच्यात झालेल्या अपघातात चार जणांचा मृत्यू झाला आहे: मदुराईचे एसपी शिव प्रसाद यांनी या अपघाताची माहिती एएनआय या वृत्तसंस्थेला दिली आहे. हा अपघात कसा घडला याबाबत अद्याप कोणतीही माहिती मिळालेली नसून, याप्रकरणी अधिक तपास पोलीस करत आहेत.
तामिळनाडूच्या मदुराई येथे कार आणि ट्रकच्या धडकेत चार जणांचा मृत्यू झाल्याची माहिती मिळताच अधिकाऱ्यांनी घटनास्थळी धाव घेतली. मृत व्यक्तींची ओळख पटवली जात असल्याचे अधिकाऱ्यांनी सांगितले आहे. मदुराई जिल्हा पोलिस अधीक्षक (एसपी) शिव प्रसाद यांनी या अपघाताची माहिती दिली आहे.
या अपघाताची संपुर्ण माहिती मिळालेली नाही. याआधी रविवारी, तामिळनाडूच्या मदुराई येथील मस्तानपट्टी टोल प्लाझाच्या एका कर्मचाऱ्याचा वेगवान ट्रकने धडक दिल्याने त्याचा मृत्यू झाला. मृत सतीश कुमार हा मदुराई जिल्ह्यातील सखीमंगलम येथील रहिवासी होता. मिळालेल्या माहितीनुसार, ब्रेक फेल झाल्याने चालकाचे वाहनावरील नियंत्रण सुटले. टोल नाक्यावर सतीश कुमार यांनी ट्रक थांबविण्याचा प्रयत्न केला, परंतु या घटनेत त्यांचा जागीच मृत्यू झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
