राजौरी : जम्मू आणि काश्मीरच्या राजौरी जिल्ह्यातील कालाकोट भागात सध्या भारतीय जवान आणि दहशतवाद्यांमध्ये जोरदार गोळीबार सुरु आहे. दोन्ही बाजूंकडून सुरु असलेल्या या धुमश्चक्रीत 4 जवान शहीद झाले आहेत. यामध्ये दोन अधिकाऱ्यांचा समावेश आहे. (Four Soldiers Killed with two army officers in action during encounter with terrorists In Rajouri Jammu and Kashmir)
माध्यमातील वृत्तानुसार, जे अधिकारी या चकमकीत शहीद झाले आहेत ते कॅप्टन रँकचे आहे. सुरुवातीला या चकमकीत एक लष्करी जवान ठार झाल्याचं तसेच तीन जवान गंभीररित्या जखमी झाल्याचं वृत्त होतं. दरम्यान, या तिघांना उपचारांसाठी रुग्णालयात दाखल करण्यात आलं पण तिथं उपचारांदरम्यान या तिघांचा मृत्यू झाला. (Latest Marathi News)
राजौरी-पूंचचे डीआयजी राहे हसिब मुघल यांनी सांगितलं की, या भागात काही दहशतवादी लपून बसले असल्याची खात्रीलायक माहिती आमच्याकडं आली आहे. त्यामुळं या दहशतवाद्यांना शोधून काढण्यासाठी स्थानिक पोलीस, लष्कराचे जवान आणि सीआरपीएफचे जवान यांनी संयुक्त शोध मोहिम सुरु केली होती. (Marathi Tajya Batmya)
याचवेळी दहशतवाद्यांसोबत झालेल्या गोळीबारात दोन अधिकाऱ्यांना गोळ्या लागल्यानं ते गंभीररित्या जखमी झाले, त्यानंतर त्यांचा मृत्यू झाला. अजूनही या भागात गोळीबार सुरु असून परिस्थितीवर नियंत्रण मिळवण्यासाठी मिक्स स्वरुपाची सुरक्षा रक्षकांची कुमक मागवण्यात आली आहे.
राजौरी आणि पूंच भाग काही काळापूर्वी शांत राहिला होता. पण आता पुन्हा एकदा या भागात पाकपुरस्कृत दहशतवाद्यांनी डोकं वर काढलं आहे. त्यांच्याकडून सातत्यानं जम्मू आणि काश्मीरमधील शांतता भंग केली जात आहे. गेल्याच आठवड्यात ८ दहशतवादी इथल्या गोळीबारात मारले गेले होते. उरी, कुलगाम आणि राजौरीतील बुधाल भागात या चकमकी झाल्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
