नवी दिल्ली : चीन केवळ पूर्व लडाखमध्येच नव्हे तर अरुणाचल प्रदेश आणि सिक्कीमला लागून असलेल्या सीमावर्ती भागातही अतिक्रमण करून सीमावाद वाढवण्याचा प्रयत्न करत आहे. पण भारतीय जवानांच्या वाढलेल्या सतर्कतेमुळे त्यांचे मनसुबे फळाला येत नव्हते. त्यामुळेच चीन आता भूतानच्या भूभागावर अतिक्रमण करून सीमेवर भारतासमोरील आव्हान वाढवण्याचा प्रयत्न करत असल्याचे मानले जात आहे. डोकलाम जवळील भूतानच्या हद्दीतील चार गावे चीनने वसवल्याची ताजी घटना बीजिंगच्या चालीचे द्योतक असल्याचे मानले जात आहे.
डेट्रास्फा या ओपन सोर्स अकाउंटने उपग्रहा द्वारे काढलेले फोटो आणि संशोधकांच्या अभ्यासाचा हवाला देत दावा केला आहे की चीनने भूतानच्या सीमेवर चार नवीन गावे स्थापन केली आहेत, जी डोकलाम क्षेत्राच्या जवळ आहे. संशोधकांनी उपग्रह प्रतिमांच्या अभ्यासाच्या आधारे दावा केला आहे की, चीनने गेल्या एका वर्षात सुमारे 100 चौरस किलोमीटर क्षेत्रात ही चार गावे बांधली आहेत. डोकलामजवळील भूतानच्या भूभागात चीनची पायाभूत सुविधा भारतासाठी चिंतेची बाब आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
