कुठे आहे जमावबंदी? दादरची गर्दी पाहिलीत का?

दिवसेंदिवस कोरोनाची रूग्ण संख्या उच्चांक पातळी गाठत आहे. त्यात मुंबईत कोरोनाचा कहर सुरूच आहे. अशात मुंबईतील दादरची गर्दी तुम्ही पाहिलीत का? जर तुम्ही दादरच्या भाजी मार्केट मधील गर्दी पाहाल तर तुमचे होश उडेल. आज सकाळी दादर येथे भाजी मार्केट मध्ये सोशल डिस्टंसिंगचा फज्जा उडालेला दिसून आला. मुंबईत जिथे एकीकडे कोरोना झपाट्याने वाढतोय तर दुसरीकडे कोरोनाचे नियम तेथील नागरिक धाब्यावर उडवीत असल्याचे चित्र दिसून येत आहे.

गेल्या २४ तासात मुंबईत १०,६६१ नवे रुग्ण आढळले असून तर ११ जणांचा मृत्यू झालाय तर सध्या मुंबईत एकूण ७३,५१८ सक्रिय रुग्ण आहेत. विशेष म्हणजे गेल्या 24 तासांत मुंबईत 81 पोलीस कर्मचारी कोरोना पॉझिटिव्ह आढळलेत. कोरोनाची वाढती संख्या लक्षात घेता मुंबईत जमावबंदी असतानासुध्दा मुंबईकर कोरोनाचे नियम पाळत नसल्याचे दिसून येत आहे. यामुळे याचा परिणाम वाढत्या रुग्णसंख्येवर दिसणारच.

दादरच्या भाजी मार्केटची गर्दी पाहता प्रशासनाने यावर ठोस पावले उचलावीत आणि वेळीच गर्दीवर आळा घालावा तरच कुठेतरी कोरोना रुग्णसंख्या वाढायच्या थांबतील. अन्यथा अशीच गर्दी कायम राहली तर राज्यात लवकरच लॉकडाऊन होणार कि काय, अशी शक्यता वर्तवण्यात येत आहे.