Garibrath Express : गरीबरथ एक्स्प्रेस ट्रेनच्या एसी कोचला लागली आग, प्रवाशांचा उडाला गोंधळ

Garibrath Express News बिहार : सध्या बालासोर रेल्वे दुर्घटना लोकांच्या मनात ताजी आहे. दरम्यान, रेल्वेबाबत आणखी एक वाईट बातमी आली आहे. पूर्व मध्य रेल्वेच्या समस्तीपूर-बरौनी रेल्वे सेक्शनवरील दलसिंहसराय नजीर गंज स्थानकादरम्यान आनंद विहारहून जयनगरकडे येणाऱ्या १२४३६ गरीब रथ एक्स्प्रेसच्या जी-३ बोगीत अचानक आग लागली. आगीमुळे ट्रेनमध्ये गोंधळ उडाला.

कोच अटेंडेंटने साखळी ओढून ट्रेन थांबवली आणि त्यानंतर जी-3 बोगी ट्रेनपासून वेगळी करण्यात आली. घटनेची माहिती मिळताच आजूबाजूचे लोकही घटनास्थळी पोहोचले. रेल्वे कर्मचाऱ्यांनी स्थानिक नागरिकांच्या मदतीने आग आटोक्यात आणली. या घटनेची माहिती मिळताच समस्तीपूर रेल्वे विभागाचे डीआरएम आलोक अग्रवालही टीमसोबत घटनास्थळी पोहोचले.

या घटनेमुळे रेल्वेच्या बोगीतून प्रवास करणाऱ्या लोकांच्या गर्दीत एकच गोंधळ उडाला. ट्रेनमध्ये प्रवास करणाऱ्या लोकांचे म्हणणे आहे की शॉर्ट सर्किटमुळे ट्रेनला आग लागली. या संपूर्ण प्रकरणाची रेल्वे अधिकारी चौकशी करत आहेत. (Railway News)

Railway

समस्तीपूरचे डीआरएम आलोक अग्रवाल म्हणाले, "कोणतीही हानी झालेली नाही. आग आटोक्यात आली आहे. लोक पूर्णपणे सुरक्षित आहेत. प्रवाशांना दुसऱ्या बोगीत हलवण्यात आले आहे."