शिक्षकाचा मोठ्या बहिणीवर बलात्कार, धाकटीचा विनयभंग

एका शारीरिक शिक्षणाच्या शिक्षकाने एका विद्यार्थिनीवर वारंवार बलात्कार (Girl Student Physical Abused), तर एकीचा विनयभंग केल्याची घटना समोर आली आहे. या पीडित विद्यार्थिनी बहिणी असून धाकट्या बहिणीचा विनयभंग झाल्यानंतर मोठ्या बहिणीने मौन तोडले. त्यानंतर पोलिसांत तक्रार नोंदवण्यात आली असून पोलिसांनी गुन्हा दाखल केला आहे.

राजस्थानमधील नागौर (Nagour Rajasthan) येथे २०१८ ते २०१९ दरम्यान ही घटना घडली आहे. हरी राम (३०) या शिक्षकाने विद्यार्थिनीला एका रिकाम्या वर्गात नेऊन तिच्यावर बलात्कार केला. ती नवव्या वर्गात असताना ही घटना घडली होती. ती दहावीत गेल्यानंतरही याच शिक्षकाने तिच्यावर पुन्हा बलात्कार केला. त्यानंतर तिने घाबरून शाळा सोडण्याचा निर्णय घेतला. शाळा सोडल्यानंतर ती आई-वडिलांसोबत राहत होती. पण, याच शिक्षकाने गेल्या ५ मार्चला तिच्या लहान बहिणीचा विनयभंग केल्याची घटना घडली. लहान बहिणीने आई-वडिलांना तक्रार केली असता मोठीने मौन तोडले आणि तिच्यासोबत घडलेली हकीकत सांगितली. त्यानंतर कुटुंबीयांना धक्का बसला. त्यांनी लगेच पोलिस ठाण्यात धाव घेतली.

दोन्ही मुलींनी काकासह नागौरच्या पंचोरी पोलिस ठाणे गाठून तक्रार नोंदवली. त्यानुसार शिक्षकाविरोधात गुन्हा दाखल करण्यात आला आहे. तसेच दोन्ही मुलींचे जबाब देखील नोंदवण्यात येणार आहेत, असे पोलिस अधिकारी अब्दुल रौफ यांनी सांगितलं.