फालेरो यांनी 2022 मधील गोवा विधानसभा निवडणुकीत फातोर्डा मतदारसंघातून गोवा फॉरवर्ड पक्षाचे विजय सरदेसाई यांच्या विरोधात निवडणूक लढण्यास नकार दिला होता.
केंद्रीय निवडणूक आयोगानं (Election Commission) तृणमूल काँग्रेसला (Trinamool Congress) मोठा धक्का दिलाय. आयोगानं काल तृणमूल काँग्रेसचा राष्ट्रीय पक्षाचा दर्जा रद्द केलाय, त्यामुळं पश्चिम बंगालमधील प्रमुख पक्ष असलेल्या तृणमूलला हा मोठा धक्का मानला जात आहे.
मात्र, असं असतानाच तृणमूल काँग्रेसला आणखी धक्का बसला आहे. तृणमूल काँग्रेसचे खासदार आणि गोव्याचे माजी मुख्यमंत्री लुइझिन फालेरो (TMC MP Luizinho Faleiro) यांनी राज्यसभा सदस्यत्वाचा राजीनामा दिला आहे.
त्यांचा हा राजीनामा राज्यसभेचे सभापती जगदीप धनखड यांनी स्वीकारला आहे, अशी माहिची सूत्रांनी दिलीये. तृणमूल पक्षातील सूत्रांनी दिलेल्या माहितीनुसार, फालेरो यांनी 2022 मधील गोवा विधानसभा निवडणुकीत फातोर्डा मतदारसंघातून गोवा फॉरवर्ड पक्षाचे विजय सरदेसाई यांच्या विरोधात निवडणूक लढण्यास नकार दिला होता.
यामुळं ममता बॅनर्जी यांच्या नेतृत्वाखालील तृणमूल पक्षानं फालेरो यांनी घेतलेल्या भूमिकेवर नाराजी व्यक्त केली होती. दरम्यान, राज्यसभेच्या खासदार अर्पिता घोष यांचा कार्यकाळ 2026 पर्यंत होता. पण, त्यांच्या राजीनाम्यानंतर 2021 मध्ये फालेरो यांना तृणमूल काँग्रेसची उमेदवारी दिली होती. त्यांची राज्यसभा खासदारपदी बिनविरोध निवड झाली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
