नववर्षात सोने महागणार? ओमिक्रॉनचा आणि महागाईचा फटका!

नवी दिल्ली : नववर्षात सोन्याच्या (Gold price may increases) किमती वाढण्याची शक्यता आहे. वाढती महागाई (Inflation) आणि ओमिक्रॉनचा प्रभाव (Omicron impact) यामुळे सोन्याच्या किमतीत वाढ होणार असल्याचे सांगितले जात आहे. सध्या सोन्याच्या किमती प्रतितोळा ४८ हजारांच्या जवळ आहेत. त्या वाढून ५५ हजारांच्या पार जाऊ शकतात, अशी शक्यता वर्तवण्यात येत आहे. (Gold price may increases in new year 2022 because of omicron variant and inflation)

अमेरिकेसह इतर देशांमध्ये महागाई मोठ्या प्रमाणात वाढली आहे. यामुळे सोन्याचे भाव प्रभावित होऊ शकतात असे जाणकारांचे मत आहे. जाणकारांच्या मते २०२२ च्या पहिल्या तिमाहीत सोन्याचा भाव १७०० ते १९०० डॉलर प्रतिऔन्स असू शकतो. दुसऱ्या तिमाहीत किमती दोन हजार डॉलर पार करू शकतात. म्हणजेच भारतात या किमती ४५ ते ५० हजार आणि ५५ हजार प्रतितोळा होऊ शकतात.

दरम्यान, आज सोन्याच्या किमती घसरून ४७,९०० प्रतितोळा झाल्या. गुरुवारचे भाव ४८ हजारपेक्षा जास्त होते. चांदीच्या किमतीतसुद्धा आज घसरण झाली. आज चांदीचा भाव ६२,१६० रुपये प्रतिकिलो नोंदवला गेला. म्हणजे चांदी ४० रुपये स्वस्त झाली. ऑगस्ट २००२ मध्ये सोन्याची किंमत ५६,२०० प्रतितोळा इतकी होती. तेव्हापासून आतापर्यंत सोन्याच्या भावात १४ टक्के घसरण झाली आहे.