सर्वसामान्यांना दिलासा देणारी बातमी, खाद्यतेल होणार स्वस्त!

महागाईला कंटाळलेल्या जनतेला येत्या काही दिवसांत थोडा दिलासा मिळणार आहे. येणाऱ्या काही दिवसांमध्ये खाद्य तेलाच्या किमती कमी होवू शकतात. खाद्य तेलआणि उत्पादकांनी अन्न आणि ग्राहक मंत्रालयासोबत झालेल्या बैठकीनंतर तेलाच्या किमती कमी करण्याचे मान्य केले आहे. विदेशातील झालेल्या खाद्य तेलाच्या किमतीत झालेल्या घसरणीच्या नंतर देशांतर्गत किमती कमी होऊ शकतात. घसरलेल्या किमतींचा लाभ ग्राहकांनाही मिळावा, असा सरकारचा प्रयत्न आहे.

जागतिक बाजारपेठेत किमती नरमल्यानंतर देशांतर्गत बाजारात खाद्यतेलाच्या किमती कमी करण्यास तेल उत्पादकांनी सहमती दर्शवली आहे. येत्या काही दिवसांत खाद्यतेलाच्या किरकोळ किमती 10-12 रुपयांनी कमी होऊ शकतात. मात्र गेल्या महिन्यात तेल निर्मात्यांनीही किमती कमी केल्या,परंतु मंत्रालयाचे असे मत आहे की, जागतिक किमतीत घसरण झाल्यानंतर अजूनही किमती आणखी कमी होण्याची शक्यता आहे. जुलैमध्ये खाद्यपदार्थ निर्माता कंपनी अदानी विल्मरने खाद्यतेलाच्या किमती 30 रुपये प्रति लिटरने कमी केल्याची घोषणा केली.

भारत खाद्य तेलाचा दोन तृतीयांश हिस्सा आयात करतो. मागील काहि महिन्यात झालेल्या रशिया युक्रेन युध्दात आणि इंडोनेशिया कडून पाम तेलावर निर्यातीवर बंदी घातल्याने खाद्यतेलाच्या दरात वाढ झाली. मात्र, अलीकडच्या काही महिन्यांत इंडोनेशियाने पाम तेलाच्या निर्यातीवरील बंदी उठवली आहे. यामुळे जागतिक बाजारपेठ तेलाच्या किमतीत घसरन झाली. किमत आणि उपलब्धतेचा आढावा घेण्यासाठी केंद्राने मे महिन्यापासून तेल निर्मात्यांसोबत तीन बैठका घेतल्या आहेत. भारत पाम तेलाच्या आयातीसाठी इंडोनेशिया आणि मलशिया वर आणि सूर्यफूल तेल आणि सोयाबीन तेलासाठी युक्रेन अर्जेंटिना, ब्राझील आणि रशियावर अवलंबून आहे.