Rahul Gandhi Defamation Case: राहुल गांधी यांना मोठा धक्का! मानहानीच्या प्रकरणात राहुल गांधींना शिक्षा कायम

राहुल गांधी यांना गुजरात हायकोर्टाचा दिलासा नाहीच. मोदी आडनावाशी संबंधित बदनामी प्रकरणात सुनावलेल्या शिक्षेविरुद्ध काँग्रेस नेते राहुल गांधी यांची याचिका न्यायालयाने फेटाळली आहे. राहुल गांधी यांना सूरत न्यायालयानं दोषी ठरवून 23 मार्च रोजी दोन वर्षांची शिक्षा सुनावली होती. ती शिक्षा कायम असणार आहे.  (Marathi Tajya Batmya)

गुजरातचे भाजप नेत पुर्णेश मोदी यांनी निवडणूकीच्या प्रचारादरम्यान काँग्रेस नेते राहुल गांधी यांनी 'मोदी चोर है' या शब्दांचा वापर करत केलेल्या वक्तव्याविरोधात सुरत कोर्टात मानहानीचा खटला दाखल केला होता. या खटल्यात राहुल गांधी यांना दोन वर्षांची शिक्षा सुनावल्यानंतर त्यांची खासदारकी देखील गेली. दरम्यान आज या प्रकरणात मोठा निकाल समोर आला आहे. (Marathi Tajya Batmya)

गुजरात हायकोर्टानं राहुल गांधी यांची पुनर्विचार याचिका फेटाळली आहे. राहुल गांधींना कोर्टाकडून कोणाताही दिलासा देण्यात आलेला नाही. कोर्टाच्या या निर्णयामुळे राहुल गांधींची खासदारकी 8 वर्षांसाठी रद्द राहणार आहे. राहुल गांधीसांठी हा एक मोठा धक्का मानला जात आहे.

प्रकरण काय आहे?

सुरत कोर्टाने २३ मार्च रोजी दिलेल्या निर्णयानुसार या मानहाणीच्या खटल्यात राहुल गांधी यांना दोषी ठरवण्यात आले होते आणि त्यांना २ वर्षाची शिक्षा सुनावण्यात आली. यामुळे राहुल गांधी यांना खासदारकी देखील गमवावी लागली. यानंतर सेशन कोर्टात पुन्हा अपील करण्यात आली होती, ती फेटळण्यात आली. (Marathi Tajya Batmya)

यानंतर राहुल गांधी यांच्याकडून गुजरात हायकोर्टात याचिका दाखल करण्यात आली. दरम्यान हायकोर्टाने २ मे रोजी आपला निर्णय राखून ठेवला होता. यानंतर आता निर्णय देण्यात आला आहे. राहुल गांधी यांनी दाखल केलेली याचिका कोर्टाने फेटाळली आहे.  (Marathi Tajya Batmya)