गुजरात पॅटर्न; तयार केला दीड लाखांचा मशरुम

गुजरातमधील प्रयोगशाळेत जगातील सर्वात महागड्या मशरुमची निर्मिती करण्यास वैज्ञानिकांना यश आलं आहे. कॉर्डिसेप्स मिलीटरीज प्रजातीचे असलेलं हे मशरुम अने आजारांवर गुणकारी आहे. त्यामुळे त्याची किंमत जास्त असल्याचं सांगण्यात येत आहे. या मशरुमच्या एका किलोची किंमत तब्बल दीड लाख रुपये इतकी आहे. (gujarat scientists cordyceps militaris mushrooms which-is-most-costliest-mushrooms)

कच्छच्या गुजरात इन्स्टीट्युट ऑफ इकोलॉजीच्या वैज्ञानिकांनी कॉर्डिसेप्स मिलीटरीज या मशरुमची लागवड केली आहे. जवळपास ९० दिवस प्रयोगशाळेत वाढल्यानंतर हे मशरुम तयार झाले आहेत. या मशरुमचा खासकरुन वापर चीन आणि तिबेटमध्ये प्राचीन औषधांसाठी केला जातो. विशेष म्हणजे या मशरुमला हिमालयात सोने असंही म्हटलं जातं.

काय आहेत कॉर्डिसेप्स मिलीटरीजची वैशिष्ट्ये

या मशरुममध्ये अँटी-ऑक्सिडंट, अँटी-डायबेटिक, अॅण्टी इंफ्लेमेटरी, अॅण्टी-कॅन्सर, अॅण्टी-मलेरियल, अॅण्टी थकवा, एचआयव्ही आणि अँटी-व्हायरल गुणधर्म आहेत.

फायदा -

हे मशरुम शरीरात ट्युमर होण्यापासून रोखतात. तसंच जर ट्युमर झाला असेल तर त्याची गाठ कमी होण्यास मदत करतात. विशेष म्हणजे ब्रेस्ट कॅन्सरवरही उपचार म्हणून या मशरुमचा वापर केला जातो.