अदानींच्या पोर्टवर ड्रग्ज सापडल्यानंतर गुजरात न्यायालयाने या प्रकरणाच्या चौकशीचे आदेश दिले आहेत. गुजरातमधील हे व्यापारी बंदर अदानी समूहामार्फत चालवण्यात येतं.
गुजरातमधील नार्कोटिक ड्रग्ज आणि सायकोट्रॉपिक पदार्थांसाठीच्या विशेष न्यायालयाने महसूल गुप्तचर संचालनालयाला (डीआरआय) या प्रकरणात निर्देश दिले आहेत. गुजरातमधील मुंद्रा या बंदरावर २,९९० किलोंचा ड्रग्जसाठा जप्त करण्यात आला होता. त्याची अंदाजे किंमत २१ हजार कोटी सांगण्यात येत आहे. यानंतर अदानी समूहावर टीका होऊ लागली. मुंद्रा या बंदराचे व्यवस्थापन अदानी समूहाकडे आहे.
या ड्रग्जच्या आयातीतून अदानी समूहाला काही फायदा झाला आहे का, या प्रकरणाची चौकशी करण्याचे निर्देश न्यायालयाने दिले आहेत. १६ सप्टेंबरला डीआरआयने कारवाई करताना हे प्रकरण उघडकीस आले होते. अफगाणिस्तानातून इराणमार्गे मुंद्रा बंदरावर दोन कंटेनर उतरवण्यात आले. आंध्र प्रदेशातील विजयवाडाच्या आशी ट्रेडिंग कंपनीच्या नावे हे कंटेनर होते, अशी माहिती इंडियन एक्सप्रेसने दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.