अहमदाबाद : काल रात्री उशीरा गुजरातमधील भरुच येथील एका कंपनीत स्फोट होऊन आग लागल्याची घडली. यामध्ये ६ कामगारांचा मृत्यू झाला असल्याची माहीती आहे. भरूच येथील OM Organic या कंपनीच्या आवारात हा स्फोट झाला होता.
याप्रकरणी अधिक माहिती अशी की, गुजरातमधील भरुच येथील OM Organic या कंपनीच्या आवारात काल रात्री अचानक स्फोट झाला. यामध्ये कंपनीत काम करणाऱ्या ६ मजूरांचा मृत्यू झाला. दरम्यान लागलेली आग विझवण्यासाठी अग्निशामक दलाचे जवान, पोलिस आणि इतरांनी मदत केली.
झालेल्या घटनेबद्दल पंतप्रधान मोदींकडून दु:ख व्यक्त करण्यात आलं असून मृतांच्या नातेवाईकांसाठी मदत जाहीर केली आहे. पंतप्रधानांनी ट्वीट करत गुजरातमधील भरुच येथे झालेल्या दुर्घटनेबद्दल शोक व्यक्त केला आहे. दुर्घटनाग्रस्तांच्या दु:खात मी सहभागी असल्याचं त्यांनी म्हटलंय.
दरम्यान पंतप्रधान राष्ट्रीय मदत निधीतून मृतांच्या नातेवाईकांना प्रत्येकी दोन लाखांची मदत देण्यात येणार असल्याचं त्यांनी जाहीर केलं आहे. तसंच या दुर्घटनेत जखमी झालेल्या कामगारांना प्रत्येकी ५० हजारांची मदत केली जाणार असल्याचंही त्यांनी जाहीर केलं आहे.
दरम्यान सदर घटनेसंदर्भात काही निष्काळजीपणा होता का याबाबत अधिक तपास पोलिस करत असल्याचं भरुच येथील SP लीना पाटील यांनी सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.