वाराणसीतील ज्ञानवापी मशीद प्रकरणी अलाहाबाद उच्च न्यायालयाने मोठा निकाल दिला आहे. हायकोर्टाने ASI (भारतीय पुरातत्व सर्वेक्षण) यांना मशीद परिसरात आढळलेल्या 'शिवलिंग'ची कार्बन डेटिंग करण्याची परवानगी दिली. मात्र यावेळी कोणतेही नुकसान होऊ नये, अशी सुचना न्यायलयाने केली आहे.
अलाहाबाद उच्च न्यायालयाने ज्ञानवापी मशीद परिसरात सर्वेक्षणादरम्यान सापडलेल्या शिवलिंगाची कार्बन डेटिंग चाचणी आणि वैज्ञानिक सर्वेक्षणासाठी दाखल केलेली याचिका मान्य केली आहे.
यावेळी शिवलिंगाला इजा न करता त्याची कार्बन डेटिंग चाचणी करण्याचे आदेश न्यायालयाने एएसआयला दिले आहेत.
वाराणसीतील न्यायालयाने कार्बन डेटिंग चाचणी घेण्यास नकार दिला होता. या आदेशाला याला उच्च न्यायालयात आव्हान दिले होते.
दरम्यान उच्च न्यायालयाने वाराणसी न्यायालयाचा आदेश रद्द केला आहे. न्यायमूर्ती अरविंद कुमार मिश्रा यांनी लक्ष्मी देवी आणि इतरांच्या याचिकेवर हा आदेश दिला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
