School Bus Accident : हरियाणामध्ये पुन्हा विद्यार्थ्यांच्या गाडीला अपघात; चिमुकलीचा मृत्यू, पाच जखमी

Bus Accident News : हरियाणाच्या महेंद्रगडनंतर आता यमुनानगरमध्ये शाळकरी विद्यार्थ्यांच्या रिक्षाला अपघात झाला आहे. या घटनेत एका चिमुकलीचा मृत्यू झाल्याची माहिती असून इतर पाच जण जखमी झाले आहेत. पोलिस या घटनेचा तपास करत आहेत.

Tajya Batmya

मिळालेल्या माहितीनुसार, हरियाणा येथील यमुनानगर येथे मुलांच्या रिक्षाला अपघात झाला. त्या रिक्षामध्ये शाळकरी विद्यार्थी होते. रिक्षा आणि मोटारसायकलची समोरासमोर धडक झाल्याने हा अपघात झाला. यामध्ये एका विद्यार्थीनीचा मृत्यू झाला आहे. तर पाच मुले जखमी झाले आहेत.

अपघातामध्ये मृत पावलेल्या विद्यार्थीनीचं नाव हिमानी असं आहे. हिमानी ही तिसरीच्या वर्गात शिकत होती. अपघातानंतर नातेवाईकांनी तिला एका रुग्णालयात नेलं होतं. परंतु तिचा मृत्यू झाला होता. यमुनानगर येथील कमाली चौक येथे ही दुर्घटना घडली आहे.

रिक्षा चालकाने लाल सिग्नल तोडल्याची माहिती येत आहे. त्यानंतरच बाईक आणि ऑटोचा गंभीर अपघात झाला. यात अपघातामध्ये दुर्दैवाने एका चिमुकलीचा मृत्यू झाला आहे.

यापूर्वी हरियाणा येथील महिंद्रगड येथील कनीनी येथे ११ एप्रिल रोजी एका स्कूल बसचा अपघात झाला होता. या घटनेत सहा मुलांचा मृत्यू झाला होता. बस चालक दारु पिऊन बस चालवत असल्याचं पुढे आलं होतं. या घटनेनंतरही चालकांनी धडा घेतलेला नाही. त्यामुळेच पुन्हा एक अपघात झाला आहे. हरियाणा सरकारने बस अपघातानंतर शाळेच्या बसेस तपासण्याची मोहीम हाती घेतली आहे.