उत्तर प्रदेशातील हाथरस येथे झालेल्या भीषण दुर्घटनेमध्ये १२१ जणांचा मृत्यू झाल्याच्या प्रकरणी कारवाई करत पोलिसांनी २० जणांना अटक केली आहे. अटक केलेल्या २० जणांची पोलीस चौकशी करत आहेत. हाथरस पोलिसांनी 7 पथके तयार केली आहेत. मुख्य सेवेदार देवप्रकाश मधुकर याचा पथके शोध घेत आहेत. योगी सरकारने या संपूर्ण प्रकरणात कठोर भूमिका घेतली आहे.
मुख्यमंत्री योगी आदित्यनाथ यांच्या सूचनेनुसार, गृह विभागाने बुधवारी संध्याकाळी उशिरा अलाहाबाद उच्च न्यायालयाचे निवृत्त न्यायाधीश, न्यायमूर्ती ब्रजेश कुमार श्रीवास्तव द्वितीय यांच्या अध्यक्षतेखाली तीन सदस्यीय चौकशी आयोगाची स्थापना केली. आयोगाचे मुख्यालय लखनौ येथे असेल. आयोगाला दोन महिन्यांत चौकशी पूर्ण करावी लागणार आहे.
निवृत्त आयएएस हेमंत राव, जे अतिरिक्त मुख्य सचिव होते, आणि डीजी प्रोसिक्युशन आणि सेवानिवृत्त आयपीएस भावेश कुमार, जे मुख्य राज्य माहिती आयुक्त होते, यांना आयोगाचे सदस्य बनवण्यात आले आहे. हाथरस येथे 2 जुलै रोजी झालेल्या दुर्घटनेची चौकशी आयोगाकडे सोपवण्यात आली आहे. आयोजकांनी परवानगी देताना घातलेल्या अटींचे पालन केले की नाही, याची चौकशी आयोग करेल. हा अपघात आहे की नियोजित कट आहे हेही आयोग तपासणार आहे.
प्रशासनाने केलेल्या व्यवस्थेची चौकशी करण्याची जबाबदारीही आयोगाला देण्यात आली आहे. भविष्यात असे अपघात टाळण्यासाठी उपाययोजनाही आयोग सुचवणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
