नवी दिल्ली : कोरोना महासाथीची दुसरी लाट अद्याप संपुष्टात आलेली नाहीये तोवरच आता तिसऱ्या लाटेची चर्चा सुरु झाली आहे. अनेक संशोधकांनी तसेच तज्ज्ञांनी ही तिसरी लाट कधी येणार, या लाटेचा महिना कोणता असणार यासंदर्भातील माहिती दिली आहे. मात्र, यासंदर्भातच आता नीती आयोगाचे सदस्य (आरोग्य) डॉक्टर वीके पॉल यांनी म्हटलंय की, अशा प्रकारच्या कोणत्याही लाटेची तारीख अथवा महिना ठरवणं योग्य नाहीये.
त्यांनी म्हटलंय की, कोरोनाच्या डेल्टा प्लस व्हेरियंटचा लसीच्या कार्यक्षमतेवर विपरीत परिणाम होत नाहीत, असा कोणताही वैज्ञानिक पुरावा नाहीये. याशिवाय डॉक्टर वीके पॉलने पुढे म्हटलंय की, कोवॅक्सिनला जागतिक आरोग्य संघटनेची आपत्कालीन मंजूरी प्राप्त करण्यासाठीची प्रक्रिया अत्यंत जलदगतीने सुरु आहे. तसेच आशा आहे की, याबाबतचा निर्णय लवकरच होईल.
केंद्रीय आरोग्य मंत्री हर्षवर्धन यांनी म्हटलं की, भारतात आतापर्यंत ब्लॅक फंगसचे 40,845 प्रकरणे समोर आली आहेत. तसेच यामुळे मृत पावणाऱ्यांची संख्या 3,129 आहे.
केंद्रीय आरोग्य मंत्रालयाने सांगितलं की, भारतात आतापर्यंत 32,36,63,297 लसीचे डोस दिले गेले आहेत. एवढ्या मोठ्या प्रमाणावर लस देणाऱ्या देशांमध्ये भारत अग्रस्थानी आहे. ग्लोबल व्हॅक्सिनेशन ट्रॅकरच्या या लिस्टमध्ये भारतानंतर अमेरिकेचा नंबर लागतो. तिथे 32.33 कोटी लस दिल्या गेल्या आहेत. अमेरिकेनंतर ब्रिटनचं स्थान आहे. त्याठिकाणी 7.67 कोटी लसीचे डोस दिले गेले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
