पटना : बिहारची राजधानी पटना येथे एका हिंदू तरूणाला काही युवकांनी मारहाण केल्याची माहिती समोर आली आहे. तो एका मुस्लीम असलेल्या आपल्या मैत्रिणीला गाडीवर घेऊन जात असताना काही कट्टरपंथींयांनी हे कृत्य केलं असून या घटनेचा व्हिडिओ सोशल मीडियावर व्हायरल झाला आहे.
अधिक माहितीनुसार, हा व्हिडिओ बिहारमधील पटना येथील पटना मार्केट येथील असून या व्हिडिओमध्ये काही तरूणांनी एका दुचाकीला थांबवलं आहे. त्यावर एक तरूणी आणि तरूण बसलेला आहे. विशिष्ठ समाजातील युवकांनी या तरूण तरूणीला बाजूला घेतलं आणि तरूणाला नाव विचारून "मुस्लीम मुलीला सोबत घेऊन का फिरतो" असा जाब विचारत मारहाण केली आहे.
वास्तविक पाहता हे दोघे क्लासमेट असल्याचं सदर मुलीने यावेळी तरूणांना सांगितलं पण या तरूणांनी तरूणीचे काहीच न ऐकता मारहाण केल्याचं या व्हिडिओमध्ये दिसत आहे. रस्त्यावर उपस्थित असलेले काही लोक बचावासाठी आले, परंतु बहुतेक लोक फक्त उभे राहून तमाशा पाहत होते. एकानेही या तरूणाला सोडवण्याचा प्रयत्न केला नाही.
सदर व्हिडिओमध्ये युवकांनी या तरूणाला शिवीगाळ करत लाथाबुक्क्यानी मारहाण केली आहे. "तू काय करतेस तुला कळतं का, तुझं घर कुठे आहे, तू घरी जा" असं हे तरूण तरूणीला बोलत आहेत. तर हे दोघे एकाच कॉलेजमधील आणि एकाच बॅचचे विद्यार्थी असल्याचं तरूणी सांगत असतानाही या तरूणांनी मारहाण थांबवली नसल्याचं या व्हिडिओमध्ये दिसत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
