Vande Bharat Railway : 'वंदे भारत'ची चाचणी यशस्वी; हुबळी-मिरज मार्गावर धावली रेल्वे, PM मोदींच्या हस्ते कधी उद्घाटन?

बेळगाव : हुबळी ते पुणे दरम्यान धावणाऱ्या वंदे भारत रेल्वेची (Hubli to Pune Vande Bharat Railway) चाचणी गुरुवारी (ता.१२) हुबळी ते मिरज या दरम्यान घेण्यात आली. ही चाचणी यशस्वी झाल्यामुळे हुबळी ते पुणे दरम्यान वंदे भारत रेल्वे धावण्याचा मार्ग मोकळा झाला आहे. बेळगाव रेल्वे स्थानकावर दुपारी १२.२५ वाजता रेल्वे पोहचली. नागरिकांत हा कौतूकाचा विषय ठरला होता. रविवारी (ता. १५) या रेल्वेला हिरवे निशान दाखवण्यात येणार असून, सोमवारपासून (ता.१६) ती बेळगावकरांच्या सेवेत असेल.