गाझियाबाद (उत्तर प्रदेश): मी, माझ्या पत्नीवर खूप प्रेम करत होतो. पण, तिला मुलांसोबत बोलायची आणि दारू प्यायची सवय होती, असे लिहून पतीने पत्नीसह दोन मुलांची हत्या केल्याची घटना येथे घडली. या घटनेमुळे परिसरात खळबळ उडाली आहे.
धीरज त्यागी आणि काजल हे दांपत्य दोन लहान मुलांसोबत राहात होते. पण, धीरज पत्नीच्या चारित्र्यावर संशय घेत होता. यावरून दोघांमध्ये भांडणे होत होती. गुरुवारी (ता. 27) दोघांमध्ये भांडण झाले होते. यानंतर धीरजने पत्नी आणि दोन लहान मुलांची हत्या केली. हत्येनंतर घराच्या भिंतीवर सुसाइड नोट लिहिली आणि घराच्या छताला गळफास घेऊन त्याने आत्महत्या केली.
धीरजने भिंतीवर लिहिले होते की, 'मी, पत्नीवर खूप प्रेम करत होतो. पण, ती सतत मुलांसोबत फोनवर बोलायची. तिला अनेकदा समजावले. शिवाय, तिला दारु पिण्याची सवय लागली होती. यासाठी तिचे भाऊ जबाबदार आहेत.' दरम्यान, पोलिसांनी सर्वांचे मृतदेह शवविच्छेदनासाठी रुग्णालयात पाठविले आहेत. घरामध्ये लिहीलेल्या सुसाइड नोटवरून पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.