पती अंघोळच करायचा नाही, फक्त अंगावर गंगाजल शिंपडायचा; लग्नाच्या 40 दिवसातच पत्नीने घेतला घटस्फोट

नवी दिल्ली- उत्तर प्रदेशच्या आग्रामधून एक आगळावेगळा प्रकार समोर आला आहे. पती दररोज अंघोळ करत नाही यासाठी पत्नीने घटस्फोट घेण्याचं ठरवलं आहे. विशेष म्हणजे या दोघांचे लग्न होऊन महिनाभरच उलटला आहे. इंडिया टूडेने यासंदर्भातील रिपोर्ट दिला आहे.

पतीन स्वच्छ राहत नाही म्हणून पत्नी घटस्फोट देत असल्याचा हा बहुदा पहिला प्रकार असावा. रिपोर्टनुसार, पती महिन्यातून एक ते दोन वेळाच अंघोळ करायचा. त्यामुळे त्यांच्या अंगाला वाईट वास यायचं. हे सहन न झालेल्याने पत्नीने वेगळे होण्याचा निर्णय घेतला. लग्नाच्या ४० दिवसानंतरच महिलेने हा निर्णय घेतला आहे.