लखनऊ : उत्तर प्रदेशातून एक खळबळजनक घटना समोर आली आहे. यामध्ये ५६ वर्षांपूर्वी मृत्यू पावलेल्या एका जवानाचा मृतदेह आत्ता आढळून आला आहे. हा मृतदेह लष्करी इतमामात जवानाच्या गावी आणण्यात आला. यानंतर सर्वांना अक्षरशः धक्काच बसला. याशिवाय आणखी चार जणांचे मृतदेह आढळून आल्याचं सांगितलं जात आहे. झी न्यूजनं याबाबत वृत्त दिलं आहे.
या वृत्तानुसार, मलखान सिंह असं मृतदेह सापडलेल्या शहीद जवानाचं नाव आहे. ७ फेब्रुवारी १९६८ मध्ये हिमाचल प्रदेशातील रोहतांग भागात हवाई दलाचं विमान AN 12 कोसळलं होतं. यामध्ये मलखान सिंह यांचा मृत्यू झाला होता. परंतू मोठी शोध मोहिम राबवूनही त्यांचा मृतदेह कुठेही आढळला नाही. कायम बर्फाच्छादित असलेल्या या भागात मृतदेह गाडला गेल्यानं तो आत्ता ५६ वर्षांनंतर आहे त्या स्थितीत आढळून आला आहे.
गुरुवारी सकाळी सहारनपूरमध्ये मलखान सिंह यांचं पार्थिव त्यांच्या वडिलांच्या गावी आणण्यात आलं. देशातील सर्वाधिक काळ सुरु राहिलेल्या या शोध मोहिमेत इतर चार जणांचे मृतदेह देखील आढळून आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
