नवी दिल्ली : खासगी क्षेत्रातील मोठी बँक असलेल्या ICICI बँकेची ऑनलाईन सेवा तांत्रिक बिघाडामुळे कोलमडली आहे. बँकेची नेटबँकिंग आणि मोबाईल बँकिंग सेवा बंद झाल्याने ग्राहक वैतागले आहेत. त्यांनी सोशल मीडियामध्ये ट्विट करुन सेवा बंद असल्याची माहिती दिली आहे. काही ग्राहकांना युपीआय व्यवहार करतानाही अडचणी येत आहेत. काल रात्रीपासून ही सेवा ठप्प झाली असून अद्यापही सुरु झालेली नाही. दरम्यान, नक्की कोणत्या कारणामुळं ही सेवा बंद पडली आहे, हे अद्याप कळू शकलेलं नाही.
ICICI बँकेचे ग्राहक अनुज पंत यांनी ट्विटरवर सकाळी पोस्ट करुन याची माहिती दिली. त्यांनी बँकेच्या पेजचा एरर येत असलेला स्क्रीनशॉट शेअर केला होता. तसेच म्हटलं की, बँकेच्या ऑनलाईन सेवा सध्या तात्पुरती बंद दाखवत आहे. तसेच बँकेला त्यांनी विचारणा केली की, तुमच्या सर्व ऑनलाईन सेवा ठप्प झालेल्या दिसत आहेत. मोबाईल अॅपवर आम्हाला लॉगिन करता येत नाहीए तसेच डेस्कटॉप साईटवरही लॉगिन करण्यात अडचण येत आहे. कधीपर्यंत सेवा पूर्ववत होईल?
ICICI बँकेची ऑनलाईन सेवा ठप्प झाल्याने त्याचा बँकेच्या किती ग्राहकांवर थेट परिणाम होईल हे अद्याप कळू शकलेलं नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
