Watch Video : IIT कानपूरचं मोठं यश! आता दुष्काळी भागात पडणार कृत्रिम पाऊस

आयआयटी कानपूरने कृत्रिम पाऊस पाडण्याबाबत मोठं यश मिळवलं आहे. आयआयटी कानपूरकडून २३ जून रोजी क्लाउड सीडिंगसाठीचा चाचणी यशस्वीरित्या पार पाडण्यात आली आहे. हा प्रकल्प काही वर्षांपूर्वी सुरू करण्यात आला होता आणि त्याचे नेतृत्व आयआयटी कानपूरच्या कंप्युटर सायन्स आणि इजिनीयरींग डिपार्टमेंट करत आहे.

मिळालेल्या माहितीनुसार आयआयटी कानपूरला या प्रयोगात बुधवारी मोठे यश मिळाले. यादरम्यान पाच हजार फूट उंचीवरून सेसना एयरक्राफ्टच्या मदतीने आयआयटीच्या वरच्या हवेत रासायनिक पावडर टाकण्यात आली. यानंतर कृत्रिम पाऊस सुरू झाला. नागरी विमान वाहतूक संचालनालयाच्या (DGCA) परवानगीनंतर ही टेस्ट फ्लाइट घेण्यात आली.

कानपूरच्या कंप्युटर सायन्स आणि इजिनीयरींग डिपार्टमेंट प्रोफेसर मनिंद्र अग्रवाल यांनी सांगितले की, आयआयटी कानपूरमध्ये एक अनोखा प्रयोग करण्यात आला. यामध्ये क्लाउड सीडिंगसाठी चाचणी उड्डाण यशस्वीरित्या आयोजित करण्यात आले. अमेरिकेतील एका निर्मात्याकडून खरेदी केलेल्या क्लाउड-सीडिंग अटॅचमेंटसह सेसना विमान उडवण्यात आले. चाचणी उड्डाणात स्टँडर्ड सरावानुसार एजंट फ्लेअर्स वापरून पांगवण्यात आले.

दुष्काळात पाऊस पाडता येणार

वायू प्रदुषण आणि दुष्काळाच्या काळात कृत्रिम पाऊस पाडला जाऊ शकतो. आयआयटी कानपूर २०१७ पासून या प्रकल्पावर काम करत आहे, परंतु डीजीसीएच्या परवानगीअभावी हा प्रयोग अनेक वर्षांपासून रखडला होता.

सर्व तयारीनंतर डीजीसीएने टेस्ट फ्लाइटसाठी परवानगी दिली आहे. उत्तर प्रदेश सरकारने क्लाउड सीडिंगच्या चाचणीसाठी अनेक वर्षांपूर्वी परवानगी दिली होती. परंतु डीजीसीएकडून परवानगी न मिळाल्याने हे प्रकरण अनेक वर्षांपासून रखडले होते. सर्व तयारीनंतर डीजीसीएने टेस्ट फ्लाइटसासाठी परवानगी दिली आहे.