पती घरात मैत्रिणीसोबत करीत होता मौजमजा; पत्नीने रंगेहाथ पकडले अन्...

नवी दिल्ली : पती आपल्या प्रेयसीसोबत घरात मौजमजा करीत होता. दरम्यान, मैत्रिणीसह घरी आलेल्या पत्नीने त्यांना रंगेहाथ पकडले. यानंतर त्याला मारहाण करून पोलिसांच्या ताब्यात दिले. ही घटना ग्रेटर नोयडातील दनकौर शहरात घडली. लग्नापूर्वीपासून त्याचे दुसऱ्या महिलेशी अनैतिक संबंध (Immoral relations) असल्याचा आरोप कुटुंबीयांनी केला आहे.

मथुरा येथील रहिवासी असलेल्या अशोकने सांगितले की, दीड वर्षापूर्वी त्याची बहीण किरण हिचे लग्न दनकौर शहरातील तरुणाशी केले होते. लग्नाच्या चार दिवसांनी पतीने हुंड्यामध्ये दिलेली कार जाळून टाकली. हुंड्यासाठी (Immoral relations) आरोपीने मुलीला सिगारेटचे चटके दिल्याचे कुटुंबीयांचे म्हणणे आहे. महिलेच्या हातावर आणि शरीरावरही भाजण्याच्या खुणा आहेत.

तीन दिवसांपूर्वी ती माहेरी गेली होती. संधी पाहून पतीने प्रेयसीला (lover) घरी आणले. याबाबत माहिती मिळताच पत्नी आणि तिच्या कुटुंबीयांनी शुक्रवारी सायंकाळी दोघांना घरात रंगेहाथ पकडले. महिलेच्या कुटुंबीयांनी दोघांनाही बेदम मारहाण करून पोलिस ठाण्यात आणले, असे किरणने सांगितले. पत्नीने मारहाण करून सिगारेटने चटके दिल्याचा आरोप तिने केला.