आजकाल तरुणांना प्रसिद्ध व्हायची भारी हौस असते. विविध प्रकारचे व्हिडीओ (Video) करायचे आणि सोशल मीडियावर (Social Media) पोस्ट करायचे हा उद्योग अनेकजण करत असतात. बरेच जण चांगला कंटेटही देतात, मात्र तरीही काहीतरी विचित्रपणा करून लोकांचं लक्ष वेधून घेणाऱ्यांची संख्याही कमी नाही. काहीजण विविध सोशल मीडिया प्लॅटफॉर्म्सच्या माध्यमातून दहशत निर्माण करण्याचा प्रयत्न करत असतात. मात्र सोशल मीडियावर अशी हवा करणं दोन तरूणांच्या अंगलच आलंय. पोलीसांनी त्यांच्यावर कारवाई (Police Action) केली आहे. या युवकांचा (youth) हात जोडतानाचा फोटो शेअर होत आहे.
व्हायरल झालेल्या या तरूणांच्या व्हिडीओमध्ये दोन तरूण एका रस्त्यावरून बुलेटवरून जात आहेत. तसं जाण्यात काहीच गैर नाही, परंतु यापैकी एक तरूण बुलेट चालवणाऱ्या त्याच्या मित्राच्या खांद्यावर बसून मस्तपैकी सिगारेट (Cigarettes) ओढत आहे. विशेष म्हणजे त्याच्या दुसऱ्या हातात पिस्तुल (Pistol) दिसत आहे. दहशत पसरवणाऱ्या या व्हिडीओला 'खलनायक' हे कॅप्शन दिलं आहे.गाडीच्या नंबरवरून ही गाडी गुजरातमधील असल्याचे दिसतंय.
दरम्यान हा व्हिडीओ व्हायरल झाल्यानंतर गुजरात पोलिसांनी या व्हिडीओतील दोन्ही तरुणांवर कारवाई केली आहे. या दोन्ही तरूणांना पोलिसांनी माफी मागितल्याचं दिसतंय. त्यांचा हात जोडतानाचा फोटो शेअर होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
