देशभरात स्वातंत्र्यदिन (१५ ऑगस्ट) मोठ्या उत्साहात साजरा करण्याची तयारी सध्या सुरू आहे. १९४७ मध्ये १५ ऑगस्टलाच देश इंग्रजांच्या गुलामगिरीतून मुक्त झाला आणि या दिवसापासून दरवर्षी १५ ऑगस्टला देशभरात स्वातंत्र्यदिन साजरा केला जातो, पण मध्य प्रदेशात एक अशी जागा आहे जिथे स्वातंत्र्यदिन काही दिवस आधीच साजरा केला जातो.
हे ठिकाण आहे मंदसौरचे पशुपतीनाथ मंदिर, जिथे स्वातंत्र्यदिन तिथीनुसार साजरा केला जातो. परंपरेनुसार १९ दिवस अगोदर पशुपतीनाथ मंदिरात दुर्वा अभिषेक करून स्वातंत्र्यदिन साजरा करण्यात आला. मंदिराचे पुजारी कैलाश भट्ट सांगतात की, श्रावण महिन्याच्या कृष्ण पक्षाच्या चतुर्दशीला भारताला स्वातंत्र्य मिळालं. म्हणूनच जुन्या मान्यतेनुसार, भगवान पशुपतीनाथांचा दुर्वा अभिषेक करून तिथीनुसार स्वातंत्र्यदिन साजरा केला जात असे.
गेल्या ३७ वर्षांपासून या दिवशी मंदिरात आनंदाचं वातावरण असल्याचं भाविकांचं म्हणणं आहे. इथे स्वातंत्र्य दिन मोठ्या सणासारखा साजरा केला जातो. कोविड-१९ च्या काळामध्ये स्वातंत्र्य दिन फक्त पाच पुरोहितांच्या उपस्थितीत साजरा करण्यात आला होता. तर गेल्या वर्षी बाबा भोलेनाथांसोबत पूर्वीपेक्षा जास्त भाविक सामील झाले आणि स्वातंत्र्यदिन साजरा केला.
मंदिर समितीशी संबंधित लोकांनी सांगितलं की, कोविड-१९ च्या प्रादुर्भावामुळे दोन वर्षे पशुपतीनाथ मंदिरात स्वातंत्र्य दिन मर्यादित स्वरूपात साजरा केला जात होता, परंतु गेल्या वर्षी मोठ्या संख्येने लोक या कार्यक्रमात सहभागी झाले होते. मंदिर व्यवस्थापनानुसार, मंदसौरच्या या प्राचीन मंदिरात १९८५ पासून श्रावण कृष्ण चतुर्दशी हा स्वातंत्र्य दिन म्हणून साजरा करण्याची परंपरा सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
