“भारताला पंतप्रधान नसून एक राजा आहे..”

देशात पाच राज्यातील निवडणूकीवरून रणधुमाळी सुरू आहे. यावर काँग्रेस - भाजपमध्ये चांगलीच जुंपली असल्याचे चित्र आहे. उत्तराखंड (Uttarakhand) राज्यातील किच्छ येथे एका सभेत बोलताना काँग्रेस नेते राहूल गांधी (Rahul Gandhi) यांनी भाजपवर(BJP) जोरदार टिका केली.

राहुल गांधी म्हणाले, “भारतातील निवडक शंभर लोकांकडे देशातील लोकसंख्येच्या चाळीस टक्के इतकी संपत्ती आहे. कोविडमध्ये नरेंद्र मोदींनी शेतकऱ्यांना एक वर्ष रस्त्यावर सोडले; काँग्रेस असे कधीच करणार नाही. शेतकरी, युवक, मजूर, गरीब यांच्यासाठी काँग्रेस आपले दरवाजे कधीच बंद करणार नाही त्यांच्यासोबत काँग्रेसला भागीदारी हवी आहे” सोबत नरेंद्र मोदींवर (Narendra Modi) टिका करताना राहूल गांधी म्हणाले, “भारताला पंतप्रधान नसून एक राजा आहे ज्याचा विश्वास आहे की जनतेने निर्णय घेताना शांत रहावे.”

आगामी निवडणूकीच्या पार्श्वभूमीवर राहूल गांधी प्रचार सभेत गुंतले आहे. भाजपला मागे टाकून भाजपशासित राज्यात यावेळी काँग्रेसची सत्ता यावी, यासाठी त्यांचे शर्थीचे प्रयत्न सुरू आहे.