देशातील दैनंदिन सकारात्मकता दर आता 1.09 टक्क्यांवर गेला आहे. साप्ताहिक सकारात्मकता दर 0.98 टक्के आहे, तर सक्रिय केस 0.02 टक्के आहे.
नवी दिल्ली : देशात कोरोनाचा संसर्ग (Coronavirus) पुन्हा डोके वर काढत आहे. गेल्या काही दिवसांपासून कोरोनाच्या रुग्णांमध्ये सातत्यानं वाढ होत आहे.
आरोग्य मंत्रालयानं (Health Ministry) सांगितलं की, गेल्या 24 तासांत कोविड-19 चे एकूण 1,134 नवीन रुग्ण आढळले आहेत. दोन दिवसांनंतर देशात कोरोनाची हजाराहून अधिक प्रकरणं नोंदवण्यात आली आहेत. यापूर्वी 19 मार्चला 1,071 प्रकरणं नोंदवली गेली होती, तर काल म्हणजेच मंगळवारी 699 नवीन कोरोना रुग्णांची नोंद झाली होती.
देशातील सक्रिय कोरोना रूग्णांच्या संख्येतही मोठी वाढ झाली आहे. देशात आता कोरोनाचे सक्रिय रुग्ण 7,026 वर पोहोचले आहेत. आतापर्यंत देशात कोरोनाचे 4 कोटी 46 लाख 98 हजार 118 रुग्ण आढळले आहेत. त्यातून 4 कोटी 41 लाख 60 हजार 279 लोक बरे झाले आहेत.
आरोग्य मंत्रालयाच्या माहितीनुसार, गेल्या 24 तासांत कोरोनामुळं पाच जणांचा मृत्यू झाला आहे. दिल्ली, छत्तीसगड, गुजरात, महाराष्ट्र आणि केरळमध्ये प्रत्येकी एकाचा मृत्यू झाला आहे. देशात आतापर्यंत 5 लाख 30 हजार 813 लोकांचा कोरोनामुळं मृत्यू झाला आहे.
21 मार्च रोजी 699
20 मार्च रोजी 918
19 मार्च रोजी 1,071
18 मार्च रोजी 843
17 मार्च रोजी 796
16 मार्च रोजी 754
15 मार्च रोजी 618
14 मार्च रोजी 402
13 मार्च रोजी 444
12 मार्च रोजी 524
देशातील दैनंदिन सकारात्मकता दर आता 1.09 टक्क्यांवर गेला आहे. साप्ताहिक सकारात्मकता दर 0.98 टक्के आहे, तर सक्रिय केस 0.02 टक्के आहे. आतापर्यंत देशात कोरोना लसीचे 220.64 कोटी पेक्षा जास्त डोस देण्यात आले आहेत. 102.73 कोटींहून अधिक लोकांना पहिला डोस मिळाला आहे. याशिवाय, 95.19 कोटी पेक्षा जास्त लोकांना दुसरा डोस देण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
