देशात गेल्या काही दिवसांपासून कोरोना रुग्णांच्या संख्येत (Covid19 Cases) कमालीची वाढ होताना दिसते आहे. त्यातच काल पुन्हा देशात नवे कोरोना 3,47,254 रुग्ण आढळले आहेत. परवाच्या तुलनेत तब्बल 29,722 अधिक रुग्ण आढळले आहेत. तर मागच्या 24 तासांत तब्बल 703 कोरोना बाधितांचा मृत्यू झाला आहे. देशात सध्या 20,18,825 सक्रीय रुग्ण आहेत. तर सध्याच्या आकडेवारीनुसार कोरोनाबाधित होण्याचा दर 17.94 टक्क्यांवर (Daily positivity rate) पोहोचला आहे.
देशात कोरोनामुक्त होण्याऱ्यांची संख्याही चांगली असल्याने दिलासा मिळाला आहे. काल दिवसभरात 2,51,777 रुग्ण कोरोनामुक्त (Recoveries) झालेत आहेत. कोरोना संसर्गाच्या तिसऱ्या लाटेत महाराष्ट्रासह कर्नाटक आणि तमिळनाडू या राज्यांत सर्वाधिक सक्रिय रूग्ण आढळत असून ही चिंताजनक परिस्थिती असल्याचे केंद्रीय आरोग्य मंत्रालयाने काल सांगितले. (Corona Patient Updates in India)
दरम्यान, महाराष्ट्रासह अन्य दोन राज्यांत केंद्रीय पथके पाठविण्यात आली असून चाचण्या आणि लसीकरण या दोन्हींचे प्रमाण तत्काळ वाढविण्याची सूचना या राज्यांच्या आरोग्य यंत्रणांना करण्यात आल्याचे सांगण्यात आले. महाराष्ट्रात साप्ताहिक पॉझिटिव्हिटी दर दोन टक्क्यांवरून २२ टक्क्यांपर्यंत गेला, ही चिंताजनक बाब असल्याचेही केंद्राने म्हटले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
