भारतीय हवाई दल आणतेय ‘संजीवनी’

नवी दिल्ली - देशात कोरोनाविरुद्धच्या (Corona) लढाईत भारतीय हवाई दल (Air Force) मोलाची भूमिका बजावत आहे. परदेशातून ऑक्सिजन, औषधे, पीपीई किट यासारखे वैद्यकीय साहित्य (Medical Equipment) एअरलिफ्ट (Airlift) करण्याचे काम (Work) हवाई दलाकडून केले जात आहे. हवाई दलाने देशातील कोविड रुग्णांच्या (Covid Patient) मदतकार्यासाठी ४२ मालवाहू विमाने (Aeroplane) तैनात केली आहेत. यात १२ विमाने अधिक वजन वहन करणारे तर ३० विमाने मध्यम वजनाचे साहित्य वहन करणारे आहेत. (Indian Air Force Medical Equipment Airlift Help)

एअर व्हाइस मार्शल मकरंद रानडे म्हणाले की, कोरोनाची तीव्रता वाढल्यानंतर गेल्या काही दिवसांपासून जगभरातून भारताकडे मदतीचा ओघ सुरू झाला. ही मदत जहाज आणि हवाई मार्गाने येत असून हवाई दलाकडून अहोरात्र सेवा बजावली जात आहे. तब्बल ४२ विमानांच्या मदतीने भारतात आतापर्यंत मोठ्या प्रमाणात वैद्यकीय सामग्री आणण्यात आली आहे. या विमानांच्या मदतीने वैद्यकीय साहित्य, कर्मचारी आणि उपकरणांची संबंधित ठिकाणी ने आण केली जात आहे. आतापर्यंत हवाई दलाने ७५ ऑक्सिजन कंटेनर आणले आहेत आणि अजूनही आणण्यात येत आहेत.

देशातील कोरोनाचा हाहा:कार पाहता अमेरिका, इस्राईलसह अनेक देशांनी वैद्यकीय साहित्याचा पुरवठा केला आहे. हे साहित्य हवाई दलाचे विमान देशातील विविध भागात पोचवण्याचे काम करत आहे. मदतकार्य करताना हवाई दलातील कर्मचारी बाधित होणार नाही, याचीही काळजी घेतली जात आहे.

९८ टक्के कर्मचाऱ्यांचे लसीकरण

कोरोना संसर्गाचा धोका कमी राहवा यासाठी हवाई दलातील ९८ टक्के कर्मचाऱ्यांचे लसीकरण झाले आहे. त्यांना पहिला डोस देण्यात आला आहे. तसेच सुमारे ९० टक्के कर्मचाऱ्यांना दुसरा डोस दिला आहे. शंभर टक्के लसीकरणाच्या दृष्टीने आम्ही वेगाने वाटचाल करत आहोत, असे एअर व्हाइस मार्शल रानडे यांनी सांगितले. कोरोना प्रतिबंधक लसीचा दुहेरी प्रभाव असल्याचे सांगत ते म्हणाले, पहिला म्हणजे शारीरिक आणि याचा अर्थ आम्ही सज्ज राहणे आणि दुसरे म्हणजे मानसिकदृष्ट्या खंबीर असणे.