नवी दिल्ली : सर्व भारतीय नागरिक आणि परदेशात प्रवास करणारे विद्यार्थी आता आवश्यकतेनुसार बूस्टर शॉट्ससाठी (Corona Booster Dose) पात्र असतील, अशी माहिती केंद्रीय आरोग्यमंत्री मनसुख मांडिविया (Mansukh Mandaviya) यांनी दिली आहे. याबाबत त्यांनी एक ट्वीटदेखील केले आहे. यामध्ये त्यांनी "परदेशात प्रवास करणारे भारतीय नागरिक आणि विद्यार्थी आता प्रवास करणाऱ्या देशाच्या मार्गदर्शक तत्त्वांनुसार कोरोनाचा बूस्टर डोस घेऊ शकणार आहेत. यासाठी लवकरच CoWIN पोर्टलवर नव्याने सुविधा उपलब्ध करून दिली जाणार असल्याचे त्यांनी म्हटले आहे. (Health Minister Mansukh Mandaviya On Precaution Dose)
मांडविया म्हणाले की, 18 वर्षांवरील सर्व नागरिक ज्यांना कोरोनाचा (Corona Vaccination) दुसऱ्या डोस घेऊन नऊ महिने पूर्ण झाले आहेत असे सर्वजण बूस्टर डोससाठी पात्र असणार आहेत. याआधीदेखील याबाबत चर्चा करण्यात आली होती. तसेच NTAGI समितीने शिफारस केली होती की, ज्या नागरिकांना विदेशात प्रवास करण्याची गरज आहे. ते निर्धारित नऊ महिन्यांच्या प्रतीक्षा कालावधीपूर्वी कोरोनाचा बूस्टर डोस घेऊ शकतात.
दरम्यान, सरकारी आकडेवारीनुसार, देशातील फार कमी लोकांनी कोरोना लसीच्या तिसऱ्या डोस घेण्याची इच्छा व्यक्त केली असून, 10 एप्रिलपासून देशातील 18 वर्षांपेक्षा जास्त वयाचे नागरिक बूस्टर डोससाठी पात्र असल्याचे जाहीर केले आहे. यासाठी केवळ कोरोना लसीचा दुसरा डोस आणि तिसरा डोसमध्ये 9 महिन्यांचे अंतर असावे अशी अट टाकण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.