तातडीने पायाभूत सुविधा उभ्या करा;आरोग्य मंत्रालयाच्या अकरा महापालिकांना सूचना 

नवी दिल्ली - पुढील दोन महिने कोरोना संसर्गाच्यादृष्टीने अत्यंत महत्त्वाचे असून या काळात संसर्ग आणखी वाढू शकतो, ही शक्यता लक्षात घेऊन स्थानिक यंत्रणेने आरोग्यासंदर्भात पायाभूत सुविधा उभाराव्यात अशी सूचना केंद्राने देशातील अकरा महापालिकांना केली आहे. विशेष म्हणजे या महापालिकांच्या हद्दीतच कोरोनाचे ७० टक्के एवढे रूग्ण आहेत. महाराष्ट्र, तामिळनाडू, गुजरात, दिल्ली, मध्यप्रदेश, पश्‍चिम बंगाल आणि राजस्थान या राज्यांतील महापालिकांचा यात समावेश असून सध्या हीच ठिकाणे उद्रेकाची केंद्रस्थाने बनली असल्याचे आरोग्य मंत्रालयाने म्हटले आहे. 

ताज्या बातम्यांसाठी डाऊनलोड करा ई-सकाळचे ऍप 

यांच्यावर लक्ष 
शहरांचे जुने भाग 
झोपडपट्टी परिसर 
लोकसंख्येची उच्च 
घनता असणारे भाग 
स्थलांतरित कामगारांचे भाग 

पुण्याच्या बातम्या वाचण्यासाठी येथे  क्लिक करा

व्हीसीद्वारे संवाद 
केंद्रीय आरोग्य सचिव प्रीती सुदान यांनी शनिवारी व्हिडिओ कॉन्फरन्सिंगच्या माध्यमातून विविध राज्यांचे आरोग्य सचिव, महापालिका आयुक्त आणि अन्य अधिकाऱ्यांशी संवाद साधला. यामध्ये संसर्गाचा धोका असणाऱ्या मंडळींची तपासणी, मृत्यूदर कमी व्हावा म्हणून प्रभावी वैद्यकीय व्यवस्थापन आदी सूचना देण्यात आल्या आहेत.