Jaipur Court Result : काही विशेष परिस्थितींमध्ये कोर्टाला काही विशेष निर्णय घ्यावे लागतात. जे निर्णय ऐकून बऱ्याचदा आश्चर्याने डोळे विस्फार्तात. अशाच एका विशेष केसचा निर्णय ऐकून तुम्हालाही आश्चर्य वाटेल. जयपूर कोर्टाने एका पोटगीच्या केस मध्ये आरोपी इसमाला पोटगीची थकबाकी ५५ हजार रुपयांची रक्कम १ आणि २ रुपयांच्या नाण्यांमध्ये भरण्याची परवानगी दिली आहे. नेमकं काय आहे हे प्रकरण जाणून घेऊया.
पैसे न दिल्याने पतीला अटक करण्यात आली होती. त्यानंतर त्याच्या कुटुंबीयांनी सात गोण्यांमध्ये पैसे १ आणि २ रुपयांची नाणी भरून न्यायालयात आणले. पण पत्नीच्या वकिलाने पैसे देण्याच्या या पद्धतीला "मानसिक छळ" म्हणून त्यावर आक्षेप घेतला.
परंतु, न्यायाधीशांनी पैसे देण्यास परवानगी दिली, पण त्या व्यक्तीला प्रत्येकी १००० रुपयांची पाकीटं तयार करून न्यायालयात नाणी मोजण्याची सूचना दिली. २६ जून रोजी होणार्‍या पुढील सुनावणीदरम्यान ही पाकिटे त्यांच्या पत्नीकडे सुपूर्द केली जातील, असे दोन्ही पक्षांच्या वकिलांनी सांगितले.
या जोडप्याच्या घटस्फोटाच्या प्रकरणाची सध्या कौटुंबिक न्यायालयात सुनावणी सुरू आहे. न्यायालयाने यापूर्वी पती दशरथ कुमावत यांना मासिक ५००० रुपये भरपाई देण्याचे आदेश दिले होते, जे ते गेल्या ११ महिन्यांपासून पूर्ण करू शकले नव्हते. परिणामी कौटुंबिक न्यायालय क्रमांक १ ने रिकव्हरी वॉरंट जारी केल्यानंतर, देखभाल देयके न पाळल्यामुळे दशरथला १७ जून रोजी अटक करण्यात आली.
"पतीने रक्कम देण्यास नकार दिल्याने, पोलिसांनी त्याला अटक केली. कौटुंबिक न्यायालय सुट्टीमुळे बंद होते त्यामुळे त्याला अतिरिक्त जिल्हा न्यायाधीश (ADG)- क्रमांक ८ यांच्या लिंक कोर्टात हजर करण्यात आले. न्यायालयात, दशरथचे कुटुंबीय त्याच्या पत्नीला देण्यासाठी ५५ हजार रुपयांची नाणी घेऊन पोहोचले.
ही नाणी १ रुपये आणि २ रुपयांची होती आणि ती सात गोण्यांमध्ये भरलेली होती. पत्नीच्या वकिलाने यावर आक्षेप घेतला, मात्र ही नाणी कायदेशीर असून ती स्वीकारण्यास कोणीही नकार देऊ शकत नाही, असा युक्तिवाद पतीच्या वतीने करण्यात आला.
यानंतर २६ जून रोजी कौटुंबिक न्यायालयात पुढील सुनावणी झाल्यावर न्यायालयाने पतीला नाणी मोजून देण्याची परवानगी दिली. तोपर्यंत ही नाणी न्यायालयाच्या ताब्यात राहतील. पतीला नाणी मोजून काढावी लागतील. कोर्टात पत्नीच्या हवाली करण्यापूर्वी प्रत्येकी १००० रुपयांची पाकिटे केली जातील.
पत्नी सीमा कुमावत यांचे वकील रामप्रकाश कुमावत म्हणाले की, महिलेला नाणी देणे म्हणजे मानसिक छळ करण्यासारखे आहे. महिलेला त्रास देण्यासाठी हे पूर्वनियोजित पद्धतीने करण्यात आले होते. मात्र, न्यायालयाने त्याला नाणी देण्याची परवानगी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.