काश्मीरमध्ये गेल्या 24 तासांत ठार झालेल्या दहशतवाद्यांची संख्या पाचवर पोहोचलीय.
श्रीनगर : जम्मू-काश्मीरात (Jammu and Kashmir) नुकत्याच झालेल्या दोन पोलिसांच्या (Police) हत्येमध्ये सामील असलेला लष्कर-ए-तौयबाचा दहशतवादी (Terrorist) आदिल पर्रे रविवारी पोलिसांच्या (Jammu and Kashmir Police) चकमकीत ठार झाला, त्यामुळं जम्मू-काश्मीरमध्ये हाहाकार माजलाय.
काश्मीरमध्ये गेल्या 24 तासांत ठार झालेल्या दहशतवाद्यांची संख्या पाचवर पोहोचलीय. काश्मीरचे पोलीस महानिरीक्षक विजय कुमार यांनी ट्विटमध्ये लिहिलंय की, "गंदरबलचा लष्कराचा दहशतवादी आदिल पर्रेनं जम्मू-काश्मीरमधील संगम इथं जम्मू-काश्मीर पोलिस फोर्समधील दोन जवानांचा खात्मा केलाय. तर, सौरा येथील सैफुल्लाह कादरीच्या हत्येमध्ये एच. हसन दार आणि अंचर यांचा सहभाग होता. यांचाही खात्या झालाय.
येथील क्रिसबल पालपोरा संगम परिसरात ही चकमक झालीय. दहशतवादी पर्रे याच्या मृत्यूनं गेल्या 24 तासांत मारल्या गेलेल्या दहशतवाद्यांची संख्या पाचवर गेली असून यावर्षी खोऱ्यात मारल्या गेलेल्या दहशतवाद्यांची संख्या 100 वर पोहोचलीय. एक दहशतवादी कुलगाममध्ये ठार झाला, तर दुसरा शनिवारी पुलवामामध्ये (Pulwama) ठार झालाय. रविवारी सकाळी झालेल्या पुलवामा चकमकीत आणखी दोन दहशतवादी मारले गेल्याने या कारवाईत ठार झालेल्या दहशतवाद्यांची संख्या तीन झालीय. दक्षिण-काश्मीरच्या पुलवामा जिल्ह्यातील द्रबगाम गावात दहशतवादी असल्याची माहिती मिळाल्यानंतर, सुरक्षा दलांनी शनिवारी परिसराची घेराबंदी करुन शोध मोहीम सुरू केली, असं पोलिस प्रवक्त्यानं सांगितलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
