नवी दिल्ली- दोन दिवसांपूर्वी जम्मू काश्मीरच्या रियासी भागात झालेल्या यात्रेकरूंच्या बसवरील दहशतवादी हल्यानंतर दहशतवाद्याचा शोध घेण्याची मोहीम सुरूच आहे. याप्रकरणी रियासी पोलिसांनी दहशतवाद्यांचं स्केच जारी केलं आहे. तसेच माहिती देणाऱ्याला पोलिसांकडून 20 लाख रूपये बक्षीस जाहीर करण्यात आलं आहे. प्रत्यक्षदर्शींच्या माहितीच्या आधारावर हे स्केच तयार करण्यात आलंय.
दोन दिवसांपूर्वी यात्रेकरूंना घेऊन जाणाऱ्या बसवर तीन दहशतवाद्यांनी बेछूट गोळीबार केला होता. याप्रकरणी तीनपैकी एका दहशतवाद्याचे स्केच समोर आले आहेत. याप्रकरणी २० लाखांचे बक्षीस देखील जाहीर करण्यात आले आहे. जेणेकरून दहशतवाद्याचा लवकर ठावठिकाणा लागावा. पौनी भागामध्ये यात्रेकरूंच्या बसवर हल्ला झाला होता. गेल्या काही दिवसांतील हा सर्वात मोठा दहशतवादी हल्ला असल्याचं म्हटलं जातं.
५३ प्रवाशांना घेऊन एक बस शिव खोरी मंदिरातून वैष्णोदेवी मंदिराकडे जात होती. पौनी भागातील तेरयाथ गावाजवळ आल्यावर तीन दहशतवाद्यांनी बसवर गोळीबार सुरु केला. त्यामुळे बस दरीमध्ये कोसळली. यात १० भाविकांचा मृत्यू झालाय, तर ४१ जण जखमी झालेत. बस उत्तर प्रदेशची होती. दहशतवाद्यांना पकडण्यासाठी आत्यंतिक प्रयत्न केले जात आहेत. दहशतवाद्यांचा शोध घेण्यासाठी ११ टीम काम करत आहेत.
दरम्यान,जम्मू आणि काश्मीरमध्ये दहशतवाद्यांच्या कुरापती सुरुच आहेत. कठूआमधे सुरक्षा रक्षक आणि दहशतवादी यांच्यात रात्रीपासून चकमक सुरू आहे. चकमकीत एका दहशतवाद्याचा खात्मा झाला आहे. चकमकीत 5 सैनिक जखमी झाल्याची माहिती आहे. जखमींवर उपचार सुरू आहेत. अद्याप भारतीय सैन्याकडून सर्च ऑपरेशन सुरूच आहे. गेल्या तीन दिवसातील दहशतवाद्यांनी केलेला हा तिसरा हल्ला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
