लाल टोपीला घाबरल्याने उद्घाटनांचा धडका, जया बच्चन यांची मोदींवर टीका

नवी दिल्ली : जसे-जसे उत्तर प्रदेशच्या निवडणुका जवळ येत आहेत, तसे-तसे लाल टोपीला इतके घाबरले आहेत, की लोकार्पण आणि उद्घाटनांचा धडका लावला असल्याची टीका समाजवादी पक्षाच्या खासदार तथा अभिनेत्री जया बच्चन (Jaya Bachchan) यांनी पंतप्रधान नरेंद्र मोदींसह योगी आदित्यनाथ सरकारवर केली आहे. त्या आज सोमवारी (ता.१३) एएनआय वृत्तसंस्थेशी बोलत होत्या. पुढे बच्चन म्हणाल्या, काशी विश्वनाथ मंदिर (Kashi Vishwanath Temple) चांगल्या प्रकार बांधण्यासाठी तेथील छोटी-छोटी दुकाने होती ती तुम्ही हटवली. तुम्ही त्यांना मोबदला दिला का?, असा प्रश्न त्यांनी योगी सरकारला विचारला आहे. पंतप्रधान मोदींनी (PM Narendra Modi) लाल टोपीपासून धोका असल्याचे उत्तर प्रदेशातील एका कार्यक्रमात म्हटले होते. (Jaya Bachchan Criticize PM Narendra Modi And Yogi Adityanath)

त्यालाही जया बच्चन यांनी काही दिवसांपासून प्रत्युत्तर दिले होते. आज मोदी यांच्या हस्ते वाराणसी येथे काशी विश्वनाथ धामचे लोकार्पण करण्यात आले. या प्रसंगी ते म्हणाले, काशीतील सर्व बंधूंसह बाबा विश्वनाथांच्या चरणी आम्ही नमन करत आहोत.

आपल्या पुराणांमध्ये म्हटले आहे, की जो कोणी काशीत प्रवेश करतो तो सर्व बंधनांमधून मुक्त होतो, असे पंतप्रधान नरेंद्र मोदी म्हणाले.