Hemant Soren Arrives : ४० तासांपासून 'नॉट रिचेबल' असलेले झारखंडचे मुखमंत्री हेमंत सोरेन अखेर प्रकटले!

Hemant Soren Arrives : झारखंडचे मुखमंत्री हेमंत सोरेन मंगळवारी तब्बल ४० तासांनंतर रांची येथे पोहचले आहेत. सोरेन अचानक दिल्लीमधून गायब झाले होते. कथित जमीन घोटाळ्यासंबंधी मनी लॉन्ड्रिंग प्रकरणात ईडीकडून तपास केला जात आहे.

ईडीला हेमंत सोरेन यांची चौकशी करायची असल्याने त्यांना आतापर्यंत १० समन्स जारी करम्यात आले आहेत. दरम्यान आता हेमंत सोरेन यांना अटक होऊ शकते अशी देखील शक्यता वर्तवली जात आहे. यापासून बचालासाठीचे कायदेशीर मार्ग शोधत असलेले सोरेन अचानक गायब झाले होते.

भाजपकडून या प्रकरणी झारखंड मुक्ती मोर्चाच्या नेतृत्वातील सरकारवर आरोप केले जात आहेत. इतकेच नाही तर हेमंत सोरेन बेपत्ता असल्याचे पोस्टर्स देखील शेअर करत बक्षिस देखील जाहीर करण्यात आले होते.

झारखंडचे मुख्यमंत्री हेमंत सोरेन हे शनिवारी, २७ जानेवारीला रात्री उशीरा अचानक रांचीहून दिल्लीकडे रवाना झाले होते. एका चार्टर फ्लाईटनं ते दिल्लीला पोहोचले होते.ईडीच्या कारवाईविरोधात कायदेशीर सल्ला घेण्यासाठी ते दिल्लीला पोहचल्याची चर्चा होती.

दहा वेळा इडीने समन्स पाठवून देखील सोरेन ईडीसमोर हजर झाले नाहीत. दर्मयान सोरेन यांचा संपर्क होत नसल्यानं ईडी पहिल्यांदा सोमवारी त्यांच्या घरी पोहोचली. याठिकाणी तब्बल १५ तास चौकशी केल्यानंतर त्यांनी सोरेन यांची बीएमडब्ल्यू कार आणि काही कागदपत्रे जप्त करण्यात आली होती.