2018 च्या विधानसभा निवडणुकीत भाजप 104 जागा जिंकून सर्वात मोठा पक्ष म्हणून उदयास आला.
Karnataka Assembly Election 2023 : कर्नाटक विधानसभा निवडणुकीसाठी भाजप आज किंवा उद्या उमेदवारांची यादी जाहीर करू शकतं.
भाजपच्या मुख्य निवडणूक समितीच्या बैठकीनंतर मुख्यमंत्री बसवराज बोम्मई (Basavaraj Bommai) म्हणाले, आम्ही सोमवारी पुन्हा एकदा बैठक घेणार आहोत. त्यामुळं आज (सोमवार) किंवा मंगळवारपर्यंत आमची यादी जाहीर करु. तसंच त्यांनी शिग्गांव मतदारसंघातून निवडणूक लढवणार असल्याचं जाहीर केलं.
पत्रकारांशी बोलताना बोम्मई म्हणाले, "आम्ही कर्नाटक निवडणुकीच्या यादीवर चर्चा केली आणि कदाचित, आम्ही आज पुन्हा यावर चर्चेला बसणार आहोत. त्यामुळं आज (सोमवार) किंवा दुसऱ्या दिवशी यादी जाहीर केली जाईल. मी शिग्गांव मतदारसंघातून निवडणूक लढवत आहे."
रविवारी पक्षाच्या मुख्यालयात पुढील महिन्यात होणाऱ्या कर्नाटक विधानसभा निवडणुकीसाठी सीईसीच्या बैठकीला भाजपचे वरिष्ठ नेते उपस्थित होते. पंतप्रधान नरेंद्र मोदी, केंद्रीय गृहमंत्री अमित शहा, संरक्षण मंत्री राजनाथ सिंह, भाजपचे प्रमुख जेपी नड्डा, कर्नाटकचे मुख्यमंत्री बसवराज बोम्मई आणि केंद्रीय मंत्री प्रल्हाद जोशी या बैठकीला उपस्थित होते.
2018 च्या विधानसभा निवडणुकीत भाजप 104 जागा जिंकून सर्वात मोठा पक्ष म्हणून उदयास आला. यात काँग्रेसनं 80 आणि JD(S) नं 37 जागा जिंकल्या. 224 सदस्यीय संख्या असणाऱ्या कर्नाटकात 10 मे रोजी निवडणूक होणार असून विधानसभेची मतमोजणी 13 मे रोजी होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
