भाजपनं त्यांना तिकीट न दिल्यास हुबळी मतदारसंघातून अपक्ष म्हणून निवडणूक लढवणार असल्याची धमकीही त्यांनी दिली होती.
Karnataka Assembly Election 2023 : भारतीय जनता पक्षानं (BJP) काल (बुधवार) उशिरा कर्नाटक विधानसभा निवडणुकीसाठी 23 उमेदवारांची दुसरी यादी जाहीर केली. मंगळवारी 189 उमेदवारांची यादी जाहीर केल्यानंतर 24 तासांच्या आत भाजपनं दुसरी यादी जाहीर केलीये.
भाजपनं मंगळवारी 224 सदस्यीय विधानसभेतील 189 जागांसाठी उमेदवारांची नावं जाहीर केली आणि काल आणखी 23 उमेदवारांची नावं जाहीर करण्यात आली. म्हणजे, अजून 12 उमेदवारांची घोषणा व्हायची आहे.
भाजपचे ज्येष्ठ नेते आणि कर्नाटकचे माजी मुख्यमंत्री बीएस येडियुरप्पा (BS Yediyurappa) यांचे नातेवाईक आणि जवळचे एनआर संतोष यांचंही नाव या यादीतून गायब आहे. विशेष म्हणजे, भाजपच्या या दुसऱ्या यादीत हुबळी जागेचाही समावेश नाहीये. इथून माजी मुख्यमंत्री राहिलेले भाजपचे विद्यमान आमदार जगदीश शेट्टर (Jagdish Shettar) यांना तिकीट न मिळाल्याचे संकेत दिले होते.
शेट्टर यांनी भाजपकडं तिकीटाची मागणी केली. यासोबतच भाजपनं त्यांना तिकीट न दिल्यास हुबळी मतदारसंघातून अपक्ष म्हणून निवडणूक लढवणार असल्याची धमकीही त्यांनी दिली होती. हुबळीतून सहा वेळा विजयी झालेले शेट्टर यांनी अपक्ष म्हणून निवडणूक लढवण्याची धमकी लक्षात घेऊन पक्ष नावं निश्चित करत असल्याचं बोललं जात आहे.
मुख्यमंत्री बसवराज बोम्मई (Basavaraj Bommai) यांनी मंगळवारी सांगितलं होतं की, पक्ष दोन टप्प्यात उमेदवारांची यादी जाहीर करेल, परंतु या यादीत केवळ 23 नवीन नावं असल्यामुळं तिसरी आणि अंतिम यादी येणं बाकी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
