अर्थसंकल्पीय अधिवेशनादरम्यान सिद्धरामय्या यांनी बोम्मई सरकारवर वारंवार हल्लाबोल केला.
Karnataka Budget : कर्नाटकातील अर्थसंकल्पीय अधिवेशनात विरोधी पक्षनेते सिद्धरामय्या आणि काँग्रेसचे इतर नेते कानाला झेंडूची फुलं लावून सभागृहात पोहोचले. वास्तविक, काँग्रेस नेते (Congress) भाजप सरकारला कोंडीत पकडण्यासाठी हे करत आहेत.
कर्नाटकातील अर्थसंकल्पीय अधिवेशनात विरोधी पक्षनेते सिद्धरामय्या आणि काँग्रेसच्या अन्य नेत्यांनी वेगळ्या पद्धतीनं भारतीय जनता पक्षाचा निषेध नोंदवला आहे.
सिद्धरामय्या (Siddaramaiah) आणि इतर विरोधी आमदार कानाला झेंडूची फुलं लावून सभागृहात दाखल झाले. भाजप सरकारनं (BJP Government) जनतेची फसवणूक केलीये. मागील अर्थसंकल्प आणि जाहीरनाम्यात दिलेली आश्वासनं पूर्ण न करता भाजप सरकारनं राज्यातील जनतेला मूर्ख बनवलंय, अशी टीका काँग्रेसनं केलीये.
राज्याचे अर्थमंत्री असलेले मुख्यमंत्री बसवराज बोम्मई (Basavaraj Bommai) यांनी आज या सरकारमधील आपला दुसरा अर्थसंकल्प सादर केला. या वर्षी होणाऱ्या विधानसभा निवडणुकीपूर्वी भाजप सरकारचा हा शेवटचा अर्थसंकल्प आहे. कर्नाटक काँग्रेसनं याला 'किवी मेले हुआ' म्हणजे, कानातलं फूल असं संबोधलंय. हे प्रतीकात्मकपणे सूचित करतं की, कोणीतरी त्यांना मूर्ख बनवलंय.
अर्थसंकल्पीय अधिवेशनादरम्यान सिद्धरामय्या यांनी बोम्मई सरकारवर वारंवार हल्लाबोल केला. सरकारनं निवडणूक जाहीरनाम्यात 600 आश्वासनं दिली होती, परंतु त्यापैकी 10 टक्केही पूर्ण करू शकले नाही. दुसरीकडं, 'मुख्यमंत्री म्हणतात की सरकार अर्थसंकल्पादरम्यान कृती अहवाल आणेल, यामध्ये भाजप सरकार 2018 च्या जाहीरनाम्यात दिलेली आश्वासनं पूर्ण करण्याची माहिती देईल.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
