CM Basavaraj Bommais News: कर्नाटक विधानसभा निवडणुकीच्या मतमोजणीला आज सकाळी 7 वाजल्यापासून सुरुवात झाली. समोर आलेल्या माहितीनुसार आता काँग्रेस आघाडीवर असल्याचं दिसून येत आहे. काँग्रेसचे 114 उमेदवार आघाडीवर असल्याचे दिसून येत आहेत.
तर भाजपचे 73 उमेदवार पुढे पाहायला मिळत आहेत. या सगळ्या घडामोडींच्या पार्श्वभूमीवर भाजपची महत्वपूर्ण बैठक पार पडत आहे. भाजपकडून हालचाली सुरू करण्यात आल्या आहेत. कर्नाटकचे मुख्यमंत्री बसवराज बोम्मई यांच्या नेतृत्वात बैठक सुरू असताना त्याठिकाणी अचानक साप घुसला आणि एकच खळबळ उडाली.
भाजपचे उमेदवार शिवराज सज्जन यांच्या घरामध्ये बसवराज बोम्मई यांच्या नेतृत्वात ही बैठक सुरू होती. या बैठकीला भाजपचे इतरही नेते उपस्थित होते. याचवेळी शिवराज सज्जन यांच्या घरात साप घुसला. याची माहिती मिळताच सुरक्षा रक्षकांनी या सापाला बाहेर काढलं.
काँग्रेस बहुमताच्या जवळपास आहे. 114 जागांवर काँग्रेस आघाडीवर आहे. भाजपा 73, जेडीएस 30 तर इतर 5 जागांवर आघाडीवर आहे.
कल सातत्याने बसदळत आहेत. अशातच फोडाफोडीचे राजकारण होईल यामुळे आपल्या नेत्यांना राजकीय दृष्ट्या सुरक्षित ठेवण्यासाठी काँग्रेस प्रयत्नशील आहे. विजयी उमेदवारांना हैद्राबादला सुरक्षित स्थळी हलवण्यात येणार असल्याची माहिती आहे.
काँग्रेसच्या गोटात हालचालींना वेग
कर्नाटकात भाजपसह काँग्रेसच्या गोटात हालचालींना वेग आला आहे. घोडेबाजार थांबवण्यासाठी काँग्रेस कंबर कसत आहे. सध्या मतमोजीणी सुरु असून हाती आलेल्या निकालानुसार काँग्रेस आघाडीवर आहे. दरम्यान, मोठी अपडेट समोर आली आहे.
घोडेबाजार थांबवण्यासाठी काँग्रेसने सर्व आमदारांना बंगळुरूला बोलावंल आहे. नेमकं कारण अद्याप स्पष्ट झालं नाही. पण कर्नाटकात काँग्रेसची सत्ता आल्यास मुख्यमंत्री कोण होणार?
असा सवाल पक्षासह देशभरात उपस्थित होत आहे. मुख्यमंत्रीपदासाठी संकटमोचक ठरलेले डी. के. शिवकुमार आणि सिद्धरामय्या यांच्या चुरस पाहायला मिळत आहे. सिद्धरामय्या हे माजी मुख्यमंत्री आहेत.
निवडून आलेल्या नेत्यांना आमदारांना एकत्र करण्याची तयारी सुरू झाली आहे. तशाच हालचाली भाजपकडून सुरू झाल्या आहेत. किंगमेकर असणाऱ्या जेडीएसचे नेते एच. डी. कुमारस्वामी यांच्याशी भाजपच्या केंद्रीय नेत्यानी चर्चा आणि बैठका सुरू केल्या आहेत.
तर काँग्रेसचेही काही नेते जेडीएसच्या संपर्कात आहेत. बहुमताचा आकडा सातत्याने बदलत असल्याचे दिसून येत आहे. त्यामुळे भाजप आणि काँग्रेसकडून मोठ्या हालचाली सुरू करण्यात आलेल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
