Congress : निवडणुकीच्या तोंडावर काँग्रेसनं गमावला बडा नेता; ध्रुव नारायण यांचं Heart Attack नं निधन

Dhruv Narayan Passed Away : कर्नाटकातील काँग्रेसचे (Congress) कार्याध्यक्ष ध्रुव नारायण (Dhruva Narayan) यांचं हृदयविकाराच्या झटक्यानं निधन झालं.

डीआरएमएस हॉस्पिटलचे डॉ. मंजुनाथ यांनी त्यांच्या मृत्यूला दुजोरा दिला आहे. नारायण यांना छातीत दुखू लागलं, तेव्हा त्यांच्या ड्रायव्हरनं त्यांना सकाळी 6.40 वाजता रुग्णालयात दाखल केलं. पण, त्यांना वाचवता आलं नाही.

KPCC कार्याध्यक्ष आर ध्रुव नारायण यांचं आज म्हैसूर (Mysore) इथं हृदयविकाराच्या झटक्यानं निधन झालं. चामराजनगरमधून ते दोन वेळा खासदार राहिले आहेत. ध्रुव नारायण हे काँग्रेसचे ज्येष्ठ नेते होते.

प्रभावशाली दलित नेता

ध्रुव नारायण हे जुन्या म्हैसूरचे प्रभावी दलित नेते होते. तसेच, ते माजी मुख्यमंत्री सिद्धरामय्या यांचे जवळचे मित्र होते. निवडणुकीच्या काळात ते चामराजनगरमधील मोठे नेते मानले जात होते. ध्रुव नारायण यांनी दोन वेळा खासदार आणि आमदार म्हणूनही काम केलं आहे. यावेळी ते नांजनगुडू विधानसभा मतदारसंघातून निवडणूक लढवणार होते. दरम्यान, खासदार प्रताप सिंह यांनी ध्रुव नारायण यांच्या निधनाबद्दल शोक व्यक्त केला आहे. प्रताप सिंह यांनी लिहिलंय, 'देवानं अशा चांगल्या व्यक्तीला हिरावून घेतलं...ओम शांती!'