मोठी बातमी! ऐन निवडणुकीच्या धामधुमीत माजी मुख्यमंत्र्यांची प्रकृती खालावली; जाणून घ्या कारण

HD Kumaraswamy Hospitalised : जेडी (एस) नेते आणि कर्नाटकचे माजी मुख्यमंत्री एचडी कुमारस्वामी यांची प्रकृती खालावली आहे. ते सध्या बंगळुरूच्या मणिपाल रुग्णालयात (Manipal Hospital) दाखल आहेत.

बंगळुरूमधील मणिपाल हॉस्पिटलनं एका निवेदनात म्हटलंय, 'एचडी कुमारस्वामी (HD Kumaraswamy) यांची प्रकृती सध्या ठीक आहे असून ते निरोगी आहेत.'

एचडी कुमारस्वामी यांना 22 एप्रिल रोजी थकवा आणि अशक्तपणामुळं रुग्णालयात दाखल करण्यात आलं होतं. मणिपाल हॉस्पिटलनं निवेदनात म्हटलंय, कुमारस्वामी यांना 22 एप्रिल 2023 रोजी संध्याकाळी डॉ. सत्यनारायण म्हैसूर यांच्या देखरेखीखाली मणिपाल रुग्णालयात दाखल करण्यात आलं. थकवा आणि अशक्तपणामुळं त्यांना इथं दाखल करण्यात आलं. सध्या ते निरोगी आहेत.

कर्नाटकात 10 मे रोजी मतदान होणार आहे, तर 13 मे रोजी निकाल लागणार आहे. या निवडणुकीत कुमारस्वामी यांच्या जेडीएस पक्षानंही आपले उमेदवार उतरवले आहेत.